زنجيل ابوذية ؛°`°؛¤ّ,¸¸,ّ¤؛ حب من اول نظرة ؛¤ّ,¸¸,ّ¤؛°`°؛¤

زنجيل ابوذيه
...
گلبي بنضرة منچ هام عذري
و عشگ عشگچ عشگ عشاگ عذري
ماگولن احبچ هذا عذري

و اجي بكل يوم يم دارج و امرهه
و عشگت الحلو بعشرتنه و مرهه
خطية الروح حيرانه و امره

صفه بأيدچ دشوفي شلون حالي
علية الضيم بس لايگ و حالي
القهر ماضي البشر كلهه و حالي

فقط وياي شو صاير و حاضر
و صرت استاذ باحزاني و احاضر
على استعداد دوم ابقى وحاضر

انفذ كل طلب منچ باشاره
يهالوجهچ سمح كله بشاره
اجيتي من السما انتي بشاره

و جبتيلي الفرح كلة و خيره
بغيابچ روحي مغلوبه و اخيره
سحر سويت انا لاجلچ و خيرة

تشوف شينفع بحبچ وسيلة
و يفيد اهمل دمع عيني و اسيلة
اناشد هالگلب صدگي و اسيله

غيرچ بيه احد منتسبله ؟
و يحب روحچ تمدحه و من تسبله
سألني الگلب تدري من تسبلة

شعرهه شلون چنه بليل حالك
و اريد انشد عن اخبارك و حالك
دگلي بحبهه انت احد وحالك

لو گلي محبتك هاي فطره
و تعال و شوف گلبي شوسع فطره
صايم بالحزن ما شاف فطره

و مرض و انت محبتك مرهم النه
و جفاك الروح صدگ مرهم لنه
حبيبي شبيك تجفي مر هملنه

عليك عيون مو دمعه و اعدي
و بعد ما ينفع حسابي و عدي
عندي اصحاب بالجملة و عندي

فقط محبوب انت و گلبي مالك
و تناشدني و تگلي شبيك مالك ؟
احاچي الكون كله لساني ما لك

و يم روحك تلكأ خاف منهه
و محبتك ما عرفنه الخافي منهه
منه صغيرة عندي خاف امنهه

عليك و ما تحب المنه بينه
و لا نرضه نزعل المنه بينه
الوصايا انت تعرفهه المن نبينه

لو رايد اعلمك و افهمنك
يلي برقتك ماكو و افهه منك
اذا انت تگول فاهم و افهم انك

فهمت المسأله شمالك يخلي
چفك بالگلب خنجر يخلي
و يشوف جروح البگلبي و يخلي

بجروحه و حسرته و خنجر ترك بي
و چفوفك اجت و بزايد ترك بي
ولك حبنه فرع واحد ترك بي

يأما ان تتركه و ان تحله
و يأما ان تشده و ان تحله
طفل عريان گلبي و انت حله

تعال ارجوك وك استر عورته
و تذكر شون بغيابك عورته
ولك عينين چانتله و عورته


لمن رحت و تركته و صار عامي
و الك مخصوص چان و صار عامي
وك مو عام واحد صار عامي

صار اعوام نار و انت جنه
و سكن جني بدليلي و انت جنه
دخيلك دحچي يسمر و انتجنه

شهد صافي و اظن حچيك شهد بي
و تريد اترك و اهد حبك شهد بي
اذا گلبك اقر ليه و شهد بي

حبي شلون هسه تريد اهمله
و انا الدمعي فقط لجلك اهمله
چنت يا ناس بالشدات اهمله

و من طحت بشدايد مره شدهه
لحد مالروح شطت من رشدهه
احل مرة محبته و مرة اشدهه

و مرة اندم على اللجله ضحيته
و احس الروح شو چنهه ضحيته
سوة صارت مسيته وي ضحيته

و سواد الدنيا بعيوني تراكم
و بعد العيون ما تگدر تراكم
لان صار الرمد بيهه ترا كم

و اناشد يمته تشفه من رمدهه
و اجر بالونة مرة و مرة امدهه
اجو عذال بعدك مرم ادهه

من أي عاذل بهذا الكون كله
يالمنك نسجت بگلبي كله
تريد اترك و ابطل شوگ كلا

اظل للموت احبك وك هويتك
و دليلي بنار ما اهوي هويتك
صدگ يفلان ما اعرف هويتك
و لكنك صرت لية هويه

منقووول

احسنتي ايتها الرائعة
زنجيل راائع
صح لسانج عزيزتي وعاشت ايدح على هذا النقل والإختيار الموفق
محتارة غاليتي
دمتي بخير

الله الله الله....
هذا مو زنجيل ابوذية , زنجيل ذهب ومطرز بالماس
سلمت اناملك كلك ذوق ياذوق
دمتي بهذا التمميز
ننتظر منك المزيد

تقبلي مني ارق التحايا

انتي مبدعه وصاحبة احساس رائع

سلمت اناملك الجميله على هذا الانتقاء الرائع


ننتظر المزيد من الابيات الجميله


اخذتني بهمساتها الى عالم ثاني

دمتي بخير غاليتي

اكيد انت ذواق جدا اشكرك لهذا الاختيار الجميل

شكراً على مروركم الذي يسعدني

نورتوووا متصفحي

خالصـ وديـ

سلمت الانامل الذهبيه
على الانتقاء المميز والرائع
دمت بهذا التالق والابداع
مع ارق واروع والطف التحايا

مرورك الاروووع

ربي لا يحرمني هالطلة

مودتي