عيــش الحيــــاة هذه الدنيا يوميـــن
يوم(ن) إلك ويــوم ضـــــدك مآ به
فـي كل لحوال نقبــل كــــل الأثنين
حتـى ولو يومك بأمســك تشـــــابه
الصبر مفتاح الفرج والصبــر زيـــن
والواحد الرحمـــن مفتـــوح بابــــه
أضحـك ولا تهتم كل وقت وكل حيـن
ولا تعيـــش في دنيا الحزن والكآبـــة
ولا تصاحب الأنذال أصحاب وجهين
النـــذل يبقــى نذل لــــو هو قـــــرابة
النــذل لــه ميـــزة وفي وجهـــه تبين
مهمـا عملــت الخيــر تلقـــى عتـــابه
لا تغرك الضحكة لن شفت ضرسين
الذيب لي هو دوم مكشــر نيــــابــــه
لا تكــون كالــــراعي آمــن لكلبيــــن
كم راعي في الدنيا خانت كــــلابــــه
لا تحاول بدنياك تلعــب على الحبلـين
وأفهم كلام الناس صــــدقه وكذابـــه
أوصيك لا تظلم وظلمك ترى ديــــن
ترى دعوة المظلوم هي مستجــابــة
لا ترد ذا حاجة فقيــر (ن) ومسكيـــن
المسكين هادينا بقوله وصــــى بــــه
ترى أنت بن آدم مخلوق من طيـــن
عمرك ترى فانــي وتغــدي تـــرابه
ولا تغرك الدنيا ولا قــولـــة البيـــــن
ترى الدنيا ما تسوى جناح الذبــــابة
دنيا دنيـــة وفانيــــة بغمضــة العيــن
والدائم اللـــــي دوم نخــشى عـــذابه
أوصيك فعل الخير وبـــــدون تثميــن
وكل ما فعلـــت الخيـــر تلقى ثوابــه
أوصيك بالتقوى أوصيك بالــديـــــن
ويوم اللقا لا زم نحســــب حســـــابه
ما ينفعك هاليــوم أهــــل ومحبيــــن
كل واحد ( ن ) منا يحمــل كتابـــــه
يوم(ن) يحاسب فيه اليـــــد والعيــن
وكل الجوارح فيه ينطــق جوابـــــه
هذاك يوم(ن) فيه للنـــــاس دربيـــن
كل واحد(ن) حظه بدرب مشــى به
أما مشــــى لجنــــة وفيـــها نهرين
كـــل نهــر يا لــذه ومحــلا شــرابه
وإلا جحيـم(ن) قعرها طوله سنين
يسكن جــــوار بليـــس اللي غوابـه
وسلامتكم
مما راق لي
