عنـــدي أخوان ...للشاعر ريـــاض الركابي

اخذ القلم ,والقلب يعتصرهُ الالم
ليكتب حروفاً من دماء
سالت من قلبه ..المفعم بكل صدقٍٍٍٍٍٍٍٍٍٍٍٍٍٍٍٍِِِِِِِِِِِِ وطيبة ٍٍََََِِ
سطرتها د موع جرت

بين لوعات ....و نــــدم ...وعتــــاب .

وبين قلبه الذي لا يعرف الكراهية و البغضاء


قسوة الزمان وتغير الاخوان
في هذا الواقع المرير الذي نعيشه
صور رسمها .....شاعرنا الكبير
بهدوءه الجميل
الذي طالما امتعنا بقصائدة التي تغنت ..بــ(حب ) الوطن

و(حب ) الأم ..و(حب ) الحبيبة ..و(حب) الحياة .

الــــــــــشاعر ...ريـــــــاض الركابي

وقصيدته التي تحمل عنوان

عندي اخوان


بعد ما ريدهم عنّي يسألون
شِده واطلعت منها سلامات
نادم عالسهر ودموع العيون
عليهم من صدگ صبّن حرامات
* * *

ِ

عود او من صدگ ، هَم عندي خوّان
تشاركني التعب ، وتشيل همّي
إبفضلهم ، ما ابات الليل جوعان
ولا يوم النذل تتعنّه جدمي
اثاريني ابحسبتي هواي غلطان
إطلعت منهم فقير ابطرگ هدمي

منك يازمان اهواي ممنون
إلك ماتنمحي وياي وگفات
كشفت الچانو ابحبهم يمثلون
او منو الحبه حقيقي او طيّب الذات
* * *

الخوّه ابهالزمان اشلون تنقاس
يا ميزان يرهم وي وكتنه
گبل چان الاخو عالايد ينباس
خوّة هسه مدري منين اجتنه
الخوّه المِن صدگ ، خوّة العباس
المصالح هسه عن الاخ عمتنه

ردت وياي لو مره ينصحون
واگول اخواني واعذرهم على الفات
ورِد اعثر ، واصيح ، ومايسمعون
او لو ميّت سمع بس همه هيهات
* * *
حزن شايل اكيد ، او حيل زعلان
لچن دمعي عزيز وما اهدّه
ومثل شجرة ولاني العطش ، ذبلان
واذا بير ابمذله ابچفي اسدّه
مايحتاج للطيبين برهان
تفرزها البشر من تمر شدّه
انا اخواني اجو حال اليواسون
شربوا گهوتي وگالو سلامات
ومن گامو اشحالي ، او لوني يا لون
او يقينا ، مو دمع ، صبيت جمرات
* * *
غير اتصيرعِبره الگلبي ويتوب
وبعد ما يرجه كل خير امن اديهم
وبعد ثگل الوجوه ، او سدّة البوب
بعد ميگول اخوتي او يعتنيهم
يعاندني او يگلي انجرّب انّوب
واذا باعونه نرجع نشتريهم
واسامح ، وانسه غيضي ، او ما يسألون !!
او يگلي الگلب زلة .. اتصير مرات
يگلبي .. لو تلوحك مرّه السنون
اخلي ابكل كتر منك علامات
* * *

اقتباس:

---

واسامح ، وانسه غيضي ، او ما يسألون !!
او يگلي الگلب زلة .. اتصير مرات
يگلبي .. لو تلوحك مرّه السنون
اخلي ابكل كتر منك علامات

---

الله الله بقدر ماهي مؤلمة , بقدر ماهي صورة شعرية تحمل النكهة العراقية التعبيرة الجميلة رائعة واكثر
الف شكر اخت احلام متالقة دائماً بذوقك وقلمك
تقبلي تحياتي وودي

قصيدة جميله جدا وانتقاء رائع

سلمت يداك اختي الغاليه

تقبل تحياتي

اسعدني مروركم العطر والمميزوالذي عطر حروفي المتواضعه لكم جزيل الشكر

تحياتي لكم