اني وانت وماكو ناس !!

كون بس احنه بجزيره
وماكو ناس ..
ونتوسد جفوف الرمل لمن ننام
وماتعرف اسرارنه
بس عصافير الصبح
وعيون الحمام
واني وانت ...
وماكو ناس ...
ونغفه باحضان الجزيره
وعلى جذوع الشجر
نكتب ذكريات .
ومن يجينه الليل
بس صوتك اسمعهه
وصوتك اغنيه قديمه
وتحيي كلشي بروحي ميت
وصوتك بليل الجزيره
كلش محمل ترافه
وعيونك اسولف قصايد
وماكو ناس ..
واه ياليل الجزيره
بيوم يغفه اعله الجروف
بيوم تتهاده السوالف
وتنسمع ضحكة حبيبي
وماكو احد غيري يسمع
ماكو ناس ..
وافرش عيوني الحبيبي
من ينام
واشبج بشعره الحرير
اثنين اديه ..
ويوم يغفه ومن ينام
اسافر عيوني وي طوله
حراس تمدد اعله طوله
وياحبيبي ...
من تحط ايدك بديه
وتسافر بروحي السوالف
مره لعيونك اسولف
ومره اسولف من تسولف
ومره اسكت
لان ضفناتك سوالف
ولان نظراتك قصايد
واه.. وين الكي الجزيره
البيها صوتك دنيا مليانه عشك
وتحضن تراب الجزيره
وانه وانت وماكوناس
بنص جزيره

ماجــــ 15/4/2009ــــــــــــــــد

عاشت الايادي يا مبدع

علقصيده الجميلة جدا

كلمات راقت لي كثيرا
وقرأتها براحه كبيره

سلمت لهذا الطرح المميز

وداااااااااااااااااااااااااااااااادي...
لك ابوي يالطيب

وردة بغداد الغاليه شكرا لمرورك الكريم
تحياتي لك ودمتي

احلام الغاليه
شكرا لروعة المرور
وحسن الكلمه
وسعادتي هو ان راق
لك ماكتبت
تحياني

كون بس احنه بجزيره
وماكو ناس ..
ونتوسد جفوف الرمل لمن ننام
وماتعرف اسرارنه
بس عصافير الصبح
وعيون الحمام
واني وانت ...
وماكو ناس ...

كــون آني وانتي ومــاكو ناس
امنيـــات --- ومااجمل الأمنيــات
فهي التي من حقنا تلفظها والإحساس بها
كـــون آني وانتي وماكو نـــاس
احساس بإمتلاك العالــم بأسره
ومسحة أمل تنتشهي منها كل روح تنتظر !!
وتختصر عذابات الكثير واحتضارهم
فالكل يتمنى ان يكون هو وحبيبه في مكان ما
ولااحــد سواهما

بـــوح ُ مـــاجــد لايجيـــدهُ الا مـــاجـد
متـــألق --- بلا منازع

سيدتي ام فيصل من القلب شكرا لروعة الكلمه
وحلاوة المرور ... وهذه الامنيات والاحلام كل مانملكه
ونامل تحقيقه . فان لم يتحقق حقيقة لربما يتحقق شعرا
تحيااتي لك سيدة الفرات الاولى