عرض للطباعة
شيبني ضيم الدهر آنه البعدني شاب
ولكلب قبل الشعر قاس ألهموم أوشاب
آنه الجنت شمعه أضوي أبدربهم شاب
لمن طفيت أنكروني أوصفو شمات
لو بيدي أسكي أشذبل منهم وباري أشمات
ضنيته يطلع ورد وربح ولو شمات
ما أدري خابط يظل ما ينفع بعدله شاب
___________
للشيب ماينفعه لغيار وجهي سره
شال ألشباب أوجفه وبليل ضعنه سره
ولشيب من وادعه مدري أشحجاله أوسره
أنوب ردلي أبزجر آنه أبمجانه حال
صرت أبلحيتك وقر وبحاجبينك حال
أبجي أعله روحك ولك مابعد مثلك حال
واليك وليت عدو ماطل عدوة أوسره
ــــــــــ
الخالدي
الله الله يالخالدي
موال جميل عاشت ايدك عزيزي
كلمات ومعاني حلوة وكلها احساس
احسنت وصح لسانك عزيزي
بانتظار جديدك
دمت بخير
ارقه واجمل موال وعاشت اديك يا اخي العزيز
موال جميل كلششششششششششششششش
اقتباس:
للشيب ماينفعه لغيار وجهي سره
شال ألشباب أوجفه وبليل ضعنه سره
ولشيب من وادعه مدري أشحجاله أوسره
أنوب ردلي أبزجر آنه أبمجانه حال
صرت أبلحيتك وقر وبحاجبينك حال
أبجي أعله روحك ولك مابعد مثلك حال
واليك وليت عدو ماطل عدوة أوسره
الله الله مشط ابوذية رائع وجميل سلمت يداك يامبدع
بوركت اخي العزيز ننتظر منك المزيد
تقبل تحياتي وتقديري