اسألك

ســــألتك
سألتك شو جوابك صار سكته
ولو محرج سؤالي من طرحته
ساكت ولاجن ألكلام وياك
وتجاهلته ولاجنك سمعته
ولاجنك بعتني وبعت أحلى أيام
وآني ألعمر لعيونك هدرته
جاوب عن سؤالي ولا تضل خجلان
أنت ألخجل عمرك ما عرفته
أمن بيك كلبي وشاف منك ضيم
عفيه على ألضلوع شلون شايلته
جاوب عن كلب مجروح يا بذات
أشتراك بدمه ليش برخص بعته
ساكت ما تجاوب وألسبب معروف
بيا عين ألتجاوب محب ضيعته
وعود أنت ألكلت للموت آنه وياك
ومشينه بدرب شو وحدي كملته
صدكت بكلامك من كلت ما أنساك
آنه ألذنب ذنبي شلون صدكته
وحبيتك يخاين ما حسبت تخون
ومثل ألأعمى حبك آنه طاوعته
وكتبت من ألشعر لعيونك أحلى بيوت
وليل ألشتى بطاريك سهرته
وغزلت من ألحنان لطولك أحلى ثياب
وثوب ألغدر بيدك أنت فصلته
خلي أبشرك يالبثوب ألغدر فرحان
عليك ألثوب لايك من لبسته
أسمع مني هذا آخر كلام وياك
أنسى كليبي وأنسى بيوم عاشرته
ولتتصور خسرتك آنه ما خسران
أنت ألخنت كلبي وأنت أللي خسرته
ولا تحسب كلامي وياك هذا عتاب
لو صاحي ضميرك جان عاتبته

الاخ ابن الوسط تحيه لهذه القصيده الرائعه تحيه اليك من القلب

عاشت ايدك عزيزي ابن الوسط
قصيدة رائعة عن خيانة الوعد في الحب
احساسك راائع وكلماتك تحمل الجرح والألم
شكرا لك على هذا التميز والعطاء

صح السانك اخويه العزيز ابن الوسط منور المنتدى يلغالي
قصيدة اكثر من رائعة سلمت يداك

تقبل تحياتي وتقديري

اخويه العزيز الدراجي
شاكر مرورك يلغالي
وحياك الله

اخويه العزيز ابو جاسم محمد السوداني
شاكر مرورك يلغالي
تحياتي الحاره

الاخت الغاليه ام فيصل
شاكر مرورج يلغاليه
تحياتي