رسمتك طيف .....!!

رسمتك طيف يغفه اباب العيون
وكتبت اسمك قصيده اتباهه بيهه
واتمايزتك ورد يل بيك مفتون
ياقصتي الطويله منين ابديهه ؟
اصبر روحي كوه واصبر شلون ؟
فركتك نار طبعا روحي تجويهه !
تعال وشوف عكبك جني مجنون
اعالج بالجروح شلون اداويهه
انه المغرم حبيبي وبيك مفتون
تمر بي طيوفك شرد اسميهه
روحي وياك تمشي ووين متكون
وانه بسمك حبيبي كمت اسليهه
انه بلياك رمح بكلبي مطعون
وانه بلياك عيني النوح مر بيهه
يالمبعد تعال وبس ظنون
وبس عينك ددزهه وخلني اراويهه
اذا ظلت ع الجروح اتاكد تهون
بس غيبة عيونك عيني تعميهه
ورسمتك طيف يغفه اباب العيون
وكتبت اسمك قصيده اتباهه بيهه

تحيات ماجد الشاعر
9 / نيسان / 2009

انه المغرم حبيبي وبيك مفتون
تمر بي طيوفك شرد اسميهه
روحي وياك تمشي ووين متكون
وانه بسمك حبيبي كمت اسليهه
انه بلياك رمح بكلبي مطعون
وانه بلياك عيني النوح مر بيهه

ايها العاشق المغرم
يامن ترسل السهام بلا تحديد
سلاما لحروفك ومشاعرك التي طرزتها برقة وعنفوان
أزخرف لك حرفي حين يسبقني النظر لحروفك
الحب دوما يجعلنا نكتب الجمال
رااائع ياماجــــــد

ام فيصل ........شكرا للمرور الكريم والكلمه التي اعتز بها وممنون منك

اتمنى ان اكون كما تأملون تحياتي

اقتباس:

---

رسمتك طيف يغفه اباب العيون
وكتبت اسمك قصيده اتباهه بيهه
واتمايزتك ورد يل بيك مفتون
ياقصتي الطويله منين ابديهه ؟
اصبر روحي كوه واصبر شلون ؟

---

الاخ العزيز ماجد الشاعر
الله يساعد كلبك
والله كلمة مبدع وشاعر قليلة بحقك
اقول لك شكراً وشكراً وشكراً لعطائك الراقي
رافد انت للأبداع
كن دائماً بخير ارجوك

اخي الكريم محمد الغالي تحياتي الكبيره لك
وشكرا لكلمتك الطبيبه ومرورك من هنا هو ما اعتز به