طـُعم .. وسَهَم...!!
طُعْم .. وسَهَم...!!
حنّيتك وهم.
حلمٍ تبدّد
يوم انا فتّحْت عيني
ما لقيت الا الألم..!
طـُعم .. وسَهَم...!!
حبك ألم.
في لذّته واقصاه
ما يبلغ الأدنى من آمالي
وما يملك لقلبي سوى
طُعم .. وسَهَم!!
حبك عدم
كل ما بنى قلبي على مر العمر
من حب غامر مبتسم
ومن أمل عاند مآسي هالسنين
ليما وصل برّك
واثْر برّك عافني
بعثرة قدم!!
حبك يجرجرني لصحرا الندم
وابقى عنيدة
صامدة.. رغم الدموع
ورغم التجاهل.. والسقم..
حبك عصر عيني
دموع وذاكرة واحلام..
كنت افتكر حبك ينسيني بلاويها
وما لقيت الا جديد آلام
ما لقيت الا حديث البارحة
ينعاد بسهومٍ تغذّي دمعتي
ويسكب عليها من العنا أكوام!!
حبك تخلّى عن مواساتي
وغض الطرف عن صبري ومُداراتي
حبك تناسى حرق عبراتي
ولا شفت ما ذقته زمان
رغم اني اليوم احترق
لاجل القى قطرة حب
تنقذني من الآتي!!
حبك شهد كل انهياراتي.
وللأسف
ما زلت تترجى انهيارٍ أكبر يدلك
على حبي!؟
مدري الثواني قادرة
تكشف أو تخبّي..
مدري الحقايق كافية
تفضح أو تغبّي..
ومدري عشَق قلبك هواني
والا انا قلبي عشق غُلبي..!!؟
حبك أسرني بين وحدة وبين نار
وحدة عواطف..
والا نار الإنصهار..
وبين الاثنين التشابه مؤلم
ومُهلكٍ حد الدمار..
يا ترى تدرك معاناتي؟
والا كَلْماتي ما تساوي
في نظر شخصك سوى
كومة غبار؟!
منقووول
