أسمــــــــ ع ـــــــني ((اهدااااء))
ارد اكتب قصيدة وكون تسمعها
وشوف اشگد عشگ شايل بمطلعها
القصيدة بس الك.. واخفيها عن الناس
بس يمك اجي.. ويمك اطلعها
اسولف بيها كلشي وما اضم اعليك
وعلى اجفوف القوافي اسراري اوزعها
گلبي اسرار بيه محجبة امن اسنين
لاذب احجابها بحضنك وافرعها
القريحة تحركت بي واجاني الهام
وما اعرف الفكرة منين منبعها
ارصعك بالغزل كل ضني هذا الچان
القصيدة انوب رادت بيك راصعها
منجم شاعرية وكلها طمعت بيك
وشكو كلمة غزل حسنك مصنعها
مو صدفة العرب كتبت سبع لواحات
وردت بلثلاثة انوب تتبعها
السبعه العلگوهن عالجدار هناك
ملهمهن چنت جنت انت مرجعها
وانه اليوم اجيت وحاير ابدي منين
روحي ال.هوس حبك گلبي يدفعها
دفنت نوحها روحي وتعنت ليك
يبو چفوف الحرير ارحم بمدمعها
جوعانه اشكر للعشگ صار هواي
بلذة شوگ روحك روحي اشبعها
گطرة مطر طاحت روحي وانت الگاع
ترجع للغيوم اشلون تقنعها
يالفكيت بابك لا تسد الباب
وعلي لو مو قفل رزاتك اشلعها
ماخسران كلشي اتصير لو متصير
روحي بنار حبك عيشة مصرعها
يالطبعك نحل لو عسل لو لدغات
ياهي التصح منك ما نرجعها
روحي معلعلة وما صدگت تلكاك
صدگ حتى اذيتك يعني تنفعها
نور النور نورك شاشعل الملگاك
روحي اتحيرة يا حجة تصنعها
اعلگلك شمع عشرة اشتضن تفيد
اخلي اضلوعي مشعولة اوية اصابعها
ومثل شعرة اصبحت واثنينة مجانين
ما تگطعها بيد انه اگطعها
لاتطلب طلب بس گلي اتمنيت
ولك.. انه. بخدمتك عيني اشلعها
وما ازعلك ابد ولو بالشقة اتشاقيت
مثل بايد الخيط الدنية اگطعها
وقبل لتمر عليه بشهر كون تكول
حتى الگاع مدري الگاع شزرعها
منق ـووول
رد: أسمــــــــ ع ـــــــني ((اهدااااء))
رااااائعة يامحتـــارة
ومتـــذوقة بارعة في اختياراتك
قصيدة حب جنونية بمفردات جميلة
عاشت ايدج على هذا الإنتقاء والنقل
ولاحرمنا ابداعك
كل الـــود لك حلوتي
رد: أسمــــــــ ع ـــــــني ((اهدااااء))
گلبي اسرار بيه محجبة امن اسنين
لاذب احجابها بحضنك وافرعها
محتاره شكرا للاختيار الرائع والكلمات
الجميله وهكذا عهدناك
مجتهدة وذواقه
نحيااتي
رد: أسمــــــــ ع ـــــــني ((اهدااااء))
اقتباس:
ارد اكتب قصيدة وكون تسمعها
وشوف اشگد عشگ شايل بمطلعها
يالطبعك نحل لو عسل لو لدغات
ياهي التصح منك ما نرجعها
لاتطلب طلب بس گلي اتمنيت
ولك.. انه. بخدمتك عيني اشلعها
سيدتي محتاره أتخيلك بوشاحك الرمادي من فرو الوولف مرتحلة إلى حيث زرعت بعض الياسمين وسط الأدغال
النبيذ الأحمر أصبح وفيرا هذه الأيام و الأحلى من ذلك أنه صار أقل ثمنا من قبل...
قبائل من الجوري تمطر دربك
تقبلي تحياتي ♫
رد: أسمــــــــ ع ـــــــني ((اهدااااء))
محتاره اللهم لا يحير عبده قصيده اكثر من رائه تمتعت بقرائتها لكن الكتابه كانت صغيره عاشت ايدك عل القل واختار مميز بارطك الله بك
رد: أسمــــــــ ع ـــــــني ((اهدااااء))
رد: أسمــــــــ ع ـــــــني ((اهدااااء))
شكراً على مروركم نورتووووا
مودتيـ
رد: أسمــــــــ ع ـــــــني ((اهدااااء))
رووووووووووووووووووووووعة بجد جامد يسلم احساسك المرهف
