رايد انخه حسين الك ياموطني
وادري لوما حسين مايبره الجرح
خافن ايعود وتسد عنه الفرات
وبنصل غدرك لو رد ينذبـــــــــــح
وخايف اعله الشاطي تهوه جفوف اخوه
وبالاسر اخته تكوم وتنجبـــــــــح
وخايف اعياله توليها السياط
بالحديد الجدم والجف يتشـــــــــح
خلها سكته ياوطن واترك حسين
استر افعالك امس لاتنفضــــــــــح
وكافي ترديدك شعارات الظهور
وتدعي رؤية المهدي تتضــــــــــــح
وكافي تتنخه اهل بيت الرسول
من تطيح بشده لو صابك جــــــرح
كوم من نفسك وشك زيج الرجيف
وشكف بصدرك طعنات الـــــــرمح
انته بس انهض واصرخ ياحسن
الك باب الفرج غصبن تنفتـــــــــح
*********************
تحياتي لجميع الاعضاء
