قصيدة غزل حمصية

السلام عليكم كيفكم ؟ شو أخباركم
اليو جبتلكم قصيدة غزل حمصية قال يعنى أنا من حمص فلازم أعرفكن على شعرنا


قصيدة غزل حمصية

بحبك حب الشباك للبرداية ، بحبك حب الأرنبيط للكوساية ...!


بحبك حب الشلمونة للكولاية .. بحبك حب الطشت للكبجاية..!


بحبك حب الزيت النباتي للمئلاية .. بحبك حب الجرابات للصرماية ..!


لك بحبك حب سلاحف النينجا للبيتزاية ...!!!


يا ريت تكوني شخبرة .. وكون أنا المحاية...


يا ريت تكوني بريات .. وكون أنا البراية...


يا ريت ما تحطيلي زء .. لما كون أنا جاية...!


بحب ضحكتك يللي متل صوت المعزاية ....بحبك حب الدؤونية لللهاية...


بحبك حب المألمة للشنتاية ....


يا ريت تكوني عوجا وكون أنا العرباية..


يا ريت تكوني طربيزة… وكون أنا كنباية ....


يا مدلوئة حياتي وشعيبيات عمري ووربات بئشطة روحي ...


يا أحلى زبدية محلاية...


بحبك حب الريموت للتلفزيون... بحبك حب درفة الباب للمندلون..


بحبك حب بنت اختي الفصعونة لسبيس تون...


بحبك حب أبو السوم للطابة.. بحبك اذا كنتي متنحة أو حبابة..


بحبك حتى لو كان صوتك متل موتور الدبابة..



سمعيني شوي لحتى احكيلك الأصة...



يا ريت تكوني حنفية مي عم تشرشر ... وأنا بعصّا..


نشالله ما يبلا هلطول ... متل عرئ الفصة...


لك يا ريت تكون معي هيكة كمشة بزر وأعطيكي نصا


بحبك حب منير الجبان لكلمة صباح الخير...



بحبك حب جهاد سعد لبرنامج خبرني يا طير...



لك بتسدئي ؟؟


بحبك حب جورج بوش لتوني بلير...شه....



بحبك حب الزلائط للمعؤوود....بحبك حب بيشو لأبو الفوود...


بحبك حب السعادين للقرود...


بحبك اذا كنتي ساكتة أو عم تحاكينا...


بحبك حب

ابن اختي الفصعون لبوظة كارينا...بحبك حب البردآن .. للكرمنتينا ...!



حاجة بأه جننتينا !!!!!!!

لا تصدقوا أنو هادا شعرنا هااااااااي بس تخويت
http://images.maktoob.com/@ كلمة ممن.../ma%20(25).gif
لا تنسوا الردود

بحبك حب جورج بوش لتوني بلير...شه....

لا هاي عاد قوية حيل حيل هههههههههههه مشكورة
تقبلي تحياتي

قصيده رووعه
مشكوره عزيزتي رشا
بارك الله فيك
جزاك الله خيرا

هههههههههههههههه
قوية هذي القصيدة
تسلم ايدج خيتو
تحيااااتي

ههههههههههههههه

كلش حلوة تموت ضحك

مشكوورة حبيبتي

تحياتي لكي

وناطرين جديدج

هههههههههههههههههههههه
كلام جميل
شكرا لكي اختي
تحياتي