هذه اول مشاركه لي معكم واتمنى تعجبكم يارب( چنت محسود اعله حبك)

چنت محسود اعله حبك

عمري بطريقك ذاب شمعه
فداك العمر يابوعيون وسعه

چنت محسود انه بحبك هواي
يلن سور احنه وحبنه قلعـــه

الگلب يخفگ مني لشوفتك دوم
واذا عنك جفل فديوم اشلعه

ضحكه انته اليه بوكت الافراح
واذا مرني حزن تغديلي دمعه

ولتحسبه شعر هذا اللي مكتوب
احساسي وعله لساني گلبي اليرفعه

لچن وسفه تغيرت عني بهل يام
وحچي الناس چن حنضل واجرعه

اجرعه وما اورج احد وابچي بسكوت
وحسرات اگضي الليل دمعه باثر دمعه

بالعباس انشدك واحچي وياي
وبگطع راس حسين وبگلبه واصبعه

اذا عندك محب ورجني يفلان
صارحني وحچي اللي عنك يلاطلعه

حاچيني الصدگ خليني ارتاح
كل حچي مستعد منك اسمعه

بديت بحرب وياي وموشيمتك هاي
اضن عليه فلان التحبه انطاك دفعه

اجيت وعليه عينك طافحه غيظ
الي چتال وسيوفك مشرعه

تحد سيفك تريد وبالعواطف ليش
وتريد السيف بگليبي تزرعه

د رد سيفك بجسمي ما اله مچان
گليبي بيوم الهويتك كسر ضلعه

واجاك امسلم امره لامرك ايطيع
ولاضن يوم ياخلي تخدعه

ارجع وشوف بيامچان انته نسيته
ومن تلگاه بري الذمه بسيوفه تگطعه

اجرحه وخلي جروحه تنزف دموم
وبعد مااريدن نار من غيرك تلسعه

وادفنه هناك عندك وبعتبة الباب
وحيل وياه يلن ماعرف ربعه

وحيل وياه ويستاهل الصار
يلن بس الوفه والطيبه طبعه

منانه واودعك والله وياك
وياك اخذ الگلب ما اريد اودعه




تحياتي

انـــــــــــــــــــــــــا عــــــــــــــــــــــــراقــــــــــــــــــي

حيا الله العراقي البطل
ومرحبا بك بيننا
اسعدنا تواجدك عزيزي
قصيدة رائعة ومشاركة جميلة عاشت ايدك
واود ان اسأل هل هي بقلمك ام منقولة

دمت لنا وبانتظار جديدك
تحياتي لك

حياچ الله ام فيصل انا شاكر لمرورك الكريم نعم القصيد بقلمي بس انا هم احب اسأل عن سبب سوالك وارجو الجواب اذا ما تصير زحمه

عذرا عزيزي
اول مشاركة لك في منتدانا
وقد قرات هذه القصيدة بقلم آخر ل عضوة ( عراقية وافتخر )
فاحببت ان اعرف الكاتب الأصلي

مبدع عزيزي وبداية جميلة
تحياتي لك

عزيزتي ام فيصل هذه القصيده بقلمي وتاريخ النظم 7/12/2002 والله يشهد على كلامي لكن ما ارجوه من جنابكم الكريم هو ارسال الرابط الذي نشرت به القصيده من قبل عراقيه وافتخر واكون شاكر لكم



تحياتي لهذه الملاحظه الرائعه والمتابعه الجيده



انا عـــــــــــــــــراقــــــــــــي

عزيزي انا عراقي
القصيدة قريتها عند تصفحي احد المنتديات دون تعيين
وانشاء الله اذا مريت عليهه ارسل لك الرابط من عيوني

وارجو ان لاتأخذ سؤالي على محمل آخر
لأننا طالما نبهنا في هذا المنتدى على ان يكتب العضو كلمة منقول اذا لم تكن القصيدة بقلمه
لأنها حقوق ادبية ولايجوز الأعتداء على حقوق الغير وانسابها لأنفسنا
والحمد لله اكثر الأعضاء ملتزمين بذلك الا ماندر
لأجل ذلك طرحت سؤالي عليك بما انها اول مشاركة لك واحببت ان اعرف

وانا شخصيا تعرضت اكثر من مرة لسرقة كتاباتي واراها في اكثر من منتدى ويحز في نفسي ان اراها مكتوبة بدون كلمة منقول او اسم الكاتب
عموما لاتحط بخاطرك والناس اجناس عزيزي ومو كل الناس سوه في الأمين وفي الغير امين

والحق لابد ان يظهر
مرحبا بك مرة اخرى معنا ونتشرف بوجود قلم رائع مثل قلمك

تحياتي لك عزيزي

شكرا على هذا الكلام الرائع وانشاء الله الكل ثقه