وهل يوجد أحلى من هذه القصيدة

بسم الله الرحمن الرحيم

مظفر النواب




من اروع الشعر الشعبي أو المحلي العراقي
قصيدة الريل وحمد
وهي من أقدم قصائده الرائعة
قالها في سنة 1957م
الريل وحمد

مرّينه بيكم حمد , واحنه ابقطار الليل واسمعنه , دك اكهوه ...

وشمينة ريحة هيل

يا ريل ...

صيح ابقهر ...

صيحة عشك , يا ريل

هودر هواهم ,

ولك ,

حدر السنابل كطه

يا بو محابس شذر , يلشاد خزامات

يا ريل بللّه .. ابتغنج

من تجزي بام شامات

ولا تمشي .. مشية هجر ...

كلبي..

بعد ما مات

وهودر هواهم

ولك

حدر السنابل كطه

جيزي المحطة..

بحزن ..

وونين ..

يفراكين

ما ونسونه ,ابعشكهم...

عيب تتونسين

يا ريل

جيّم حزن...

اهل الهوى امجيمين

وهودر هواهم

ولك

حدر الستابل كطه

يا ريل

كلعوا دغش...

والعشق جذابي

دك بيّه كل العمر...

ما بطفه عطابي

تتوالف ويه الدرب

وترابك ..

ترابي

وهودر هواهم

ولك..

حدر السنابل كطه

آنه ارد الوك الحمد .. ما لوكن لغيره

يجفّلني برد الصبح ..

وتلجلج الليره

يا ريل باول زغرته...

لعبته طفيره

وهودر هواهم

ولك .. حدر السنابل كطه

جن حمد....

فضة عرس

جن حمد نركيله

مدكك بي الشذر

ومشلّه اشليله

يا ريل....

ثكل يبويه..

وخل أناغي بحزن منغه...

ويحن الكطه

كضبة دفو , يا نهد

لملمك ... برد الصبح

ويرجنك فراكين الهوه ... يا سرح

يا ريل....

لا.. لا تفزّزهن

تهيج الجرح

خليهن يهودرن..

حدر الحراير كطه

جن كذلتك...

والشمس...

والهوة...

هلهوله

شلايل برسيم...

والبرسيم إله سوله

واذري ذهب يا مشط

يلخلك...اشطوله !

بطول الشعر ...

والهوى البارد....

ينيم الكطه

تو العيون امتلن ....

ضحجات ... وسواليف

ونهودي ز مّن...

والطيور الزغيره...

تزيف

يا ريل ...

سيّس هوانه

وما إله مجاذيف

وهودر هواهم

ولك...

حدر السنابل كطه

*************

قصيدة غنائية جميلة وقد غناها صاحب الصوت الرخيم الياس خضر
عاشت الأيادي لهذا النقل
وعاشت ايد شاعرنه مظفر النواب

شكرا لك بانتظار جديدك

عاشت ايدك حبي على النقل المميز

لك ودي واحترامي

مــع حبـــي

http://up.foraten.net/uploads/e62be97720.gif

شكرا جزبا اخت ام فيصل شكرا اخ عاشق
على هذا المرور الطيب
تحياتـــــــــــــــــــــــــــــــي

شكرا على القصيده ...غناها ياس خضر

شكرا اخ سمير على مرورك الطيب
تحياتـــــــــــــــــــــــــــي