23 الدليل القاطع عند ابو كاطع

بسم الله الرحمن الرحيم

في احد الايام من ايام زمان واحد مكرود راح يزور صديق له في احد المحافظات
ووصل متاخر
ولم يكن حاسب حسابه ان ينام في فندق لانه على كد الحال
فبقى جالس في المقهى الى ان جلب انتباه صاحب المقهى
وسئله عمي انت غريب
كله اي والله عمي جيت ازور صديق والوقت تاخر وعيب اروح تالي الليل لبيت صاحبي خاف ما متحضر لمبيتي او للعشاء
فقررت ان ابقى للصبح
وبعدين اروحله
كله عمي تتمدد اهنا على القنفة لو تروح وياي للملهى وبعدين من نرجع نام بالكهوة
كلي عمي الملهى شنو
كله عمي
دكدكه وجكجكه ووناسه للصبح
كله ابكيفك عمي
راحو للملهى
وبدات الجلسه
واشتغلت الدنابك
واذا واحد يصيح باعلى صوته
جيبو القانون وين القانون
جابو القانون ذو الاوتار وبداء العزف
صاحبنا ما شايف القانون ولا يعرفه
بقى صافن على هذه الاوتار كيف تخرج النغمات
وانتهت السهرة ورجع للمقهى
نام على القنفة خارج المقهى
واذا بدورية الشرطة تاخذه الى المركز لانه غريب وصادف انه بيت القاضي سرق في نفس الليلة
وبعد كر وفر وتاجيلات ودعاوى عين يوم للمحكمة
وصاحبنا محد يدري بيه
لا ابو المقهى لانه تصور انه ذهب الى صاحبه
وصاحبه ما يدري بيه انه جاي عليه
بقى وحيد فريد في المحكمة
وادخلوه الى قاعة المحكمة وجلس في قفص الاتهام
ودخل قاض ومعه شخصان وجلسا على منصة المحكمة وسئله انت فلان
اجابه نعم سيدي
القاضي
نطق
حكمت المحكمه عليك وفق
القانون
بالحبس 3 سنوات
وهنا صاح
بروح ابوك سيدي
هذا قانون الليل الي دكو بيه

اجابه القاضي
شنو ليل وشنو دكو بيه
وسرد له قصته
وما ان تفهم القاضي ان هذا الشخص كان وقت وقوع الجريمة في الملهى اطلق سراحه

\\\\\\\\\\\\\\\\\\\\\\\\\\\\\\\
ان ما ذكرني في هذه الحادثة
هو العراق العظيم الذي حكم عليه اليوم بشخصية منتظر الزيدي ب
3 سنوات
هل حكم عليه
بقانون الليل الي يدكون بيه ليل ونها
لو قانون النهارالي سنه الامريكان


قرار الحكم الذي صدر بحق العراق الابي بعراقييه الشرفاء
قرار الحكم الذي صدر بحق العراق الجريح بكل مجروحيه
قرار الحكم الذي صدر بحق العراق السجين بكل مسجونيه
قرار الحكم الذي صدر بحق العراق المنهوب بدون ناهبيه
قرار الحكم الذي صدر بحق العراق المسلوب بدون سلابيه
اي قيم هذه التي حكمت على العراق
اي اخلاق هذه التي حكمت علىالعراق
اي قانون هذا الذي حكم على العراق
قانون الليل ام قانون النهار
وماكو داعي اكلكم
الدليل القاطع عند ابو كاطع
لان ما اعتقد عراقي ما سمع بهذا لخبر
اخزي والعار للقاضي وللقانون الذي حكم به على منتظر الزيدي البطل

جيبو القانون وين القانون
جابو القانون ذو الاوتار وبداء العزف

ابو كاطع هذه حكمه والله واحسنت بكتابتها ونقلها لنا

والله يااخي ياقاضي يامحكمه عمي بلد محتل

وراح أكتيه باللون الاحمر




بلد محتتتتتتتتتتتتتتتل



وراح احجيلك سالفه كنا انشوفه قبل بافلام كارتون

سامعين بكارتون ماجد لعبه خشبيه هذا الكارتون من خشب وبخيوط يحركونه

كلي بروح ابوك هذا القاضي هم بخيوط يحركونه

لو بالدولار لو بالطلقات الدمدم السامه

صدقني ياأبو كاطع 3 سنوات شهاده عراقيه شريفه تحمل على طياتها العز والشجاعه لهذا البطل فان ما قام به لم تمحيه السنين ولا الايام

والقاضي والمحكمه والربع

حكموا على انفسهم بالخزي والعار والذل والهوان



وشكرا


الزير سالم
والي ما عاجبه كلامي من الحكومه يظرب راسه بالحايط

لانقول سوى حسبنا الله ونعم الوكيل
على كل من حكم على الوطنية والشجاعة النادرة والشرف والعزة والإباء وكل مفردات الشهامة
بهذا الحكم الباطل

واذا هذي هي الديمقراطية بالعراق مانريدهه -- خلي يتعلمون شنو ديمقراطية وبعدين يتكلمون فيهه

رحم الله من بات مظلوما ولم يبت ظالما

مشكور يبو كاطع