( مفتاح العمر) - كاظم الزهيري

يامفتاح عمري الزنجر من سنين
جيّم بالقفل بس شوگك ايفره
انخاك اعله شوكي ونت أبو الأشواك
من الينتخيك شبيك تتبره
دمّد ايدك علي رمم بگايا الروح
مو ضاعت عليه الحمرة والصفرة
صرت موﮔد محبة النار بيه تلوﭺ
ونته اتذب نفط والنار مستعره
(ﮔطرة ماي روحي )اورادت ترويك
ليش بنص حمادة اتطشر الگطرة
اصبر الروح بيش او صبري أخذته وياك
والماخوذ صبره شلون شيصبره
طشرني الوكت بيامه الوكحات
وحطني بحلگ رحه وفرني ألف فره
دلمني أبين اديك وخلي روحي اليوم
تشهك بالفرح وتودع الحسره
سنين اعليك أدور انتظر ملگاك
وتمنى تجيني وگلبي تسره
ماهمك غيابي وشوگي من سنين
ووراقي اعله بعدك بقت متطشرة
رد مره الدربنه البي مشيته وياك
ورحم گلب ضامي وضحى الك عمره
هجرانك سباني ومرد بيه الروح
موكافي الهجر أتجرعت مره
صبرت سنين أتاني انتظر ملكاك
تالي من لگيتك تنكر العشرة

يامفتاح عمري الزنجر من سنين
جيّم بالقفل بس شوگك ايفره
انخاك اعله شوكي ونت أبو الأشواك
من الينتخيك شبيك تتبره
دمّد ايدك علي رمم بگايا الروح
مو ضاعت عليه الحمرة والصفرة
صرت موﮔد محبة النار بيه تلوﭺ
ونته اتذب نفط والنار مستعره
اختيار موفق وعاشت الايادي تحيه لك ولكاظم الزهيري
لك مودتي

طشرني الوكت بيامه الوكحات
وحطني بحلگ رحه وفرني ألف فره
دلمني أبين اديك وخلي روحي اليوم
تشهك بالفرح وتودع الحسره


اختيار موفق ورائع
قصيدة حب وهيام جميلة
شكرا لك يامصطفى ومرحبا بك بيننا
نورت المنتدى عزيزي بحضورك
وبداية جميلة -- بانتظار جديدك

تحياتي لك

قصيدة رائعة عاشت الايادي اخي العزيز مصطفى 00
الف تحية والف سلام لك ولذوقك الرائع
ننتظر منك المزيد
تحياتي

كاظم الزهيري

هذا الملحن الكبير

والشاعر المتالق

والانسان الطيب

محبتي اليك يا استاذي الحبيب