الدليل القاطع عند ابو كاطع ج 19

بسم الله الرحمن الرحيم

ايام زمان لاتوجد في العراق اعمدة كهرباء الضغط العالي والتي يسمونها الابراج والتي
ولله الحمد تعرضت للتخريب والنهب من قبل ناقصي الذمة والضمير
وعاد منها قسم وتم تصليح قسم منها والباقي اتصدر لدول الجوار بنص قيمة وبسعر خاص من القجقجية يعني المهربين بدون علم الدوله ايام السقوط لان نوع معدن هذه الابراج من النوع الجيد
نرجع لسالفتنا
جانت الاعمده الكهربائية عادية ولا يمكن سرقتها لانها لاتساوي قيمة شلعها وسرقتها
وتسمى باللغة العامية العراقية
تيل
تيل كهرباء

فكان احد الرعاة يرعى في منطقه خارج القرية وبجانبه تيل كهرباء وصادف انه
احد اغنامه \ \ نعجه \ \ قد ولدت
فاحتار كيف يوصل الخبر لاهله
فقال
ياتيل بلله عليك خبر هلي
نعجتنا الحمرة جابت طلي

الذي ذكرني في هذه القصة
تردي حال الاتصالات النقاله في العراق
زين شنو السبب هم هاي بيها فد شي جان مسويه هدام وراح
هم الارهابين الهم علاقه
لو هم الخمط واللفط والشفط اله علاقة
اتخابر على احد الاصدقاء
راسا يجاوبك الجهاز الالي الاوتوماتيكي
لايمكنك الاتصال بهذا الرقم لانه خارج الخدمة
يابه والله قبل ساعه اتكلمت وياه
اشبلعجل طلع تقاعد
لو نرجع عل تيل الراعي
والدليل القاطع عند ابو كاطع
والعهدة على الرابط

http://www.alsabaah.com/paper.php?source=akbar&mlf=interpage&sid=78809

مع تحياتي واحترامي الك اخي العزيز ابو كاطع

والله مواضيعك في محلها واسلوبك في نقل الاخبار يريح القلوب من هذه المصائب التي نصادفها كل يوم


والله يااخي الاتصالات سيئه جدا وبس لغف ولا فائده اين التقنيه التي وعدتمونها بها

وتكلفة الانتصال غاليه جدا وشنو الحل الي ناسب هذوله الافنديه نزلوا خط جديد اسمه التوئم

وباللهجه العاميه يعني مال حب وغرام يعني بالله عليك شلون اذا اريد اخابر اصدقائي لازم كل واحد اني وياه نشتري هذا الخط والله على مود ما يصرف كلفه هوايه

يعني على هيج حجي راح يصير عندي 150 سيم كارت

واذا البرج بعيد عليك ينشلع كلبك الا تحصل


واحسن طريقه طريقة التيل اعتقد مناسبه افضل من شركات الغافه واهل اللفط

ياتيل بلله عليك خبر هلي
نعجتنا الحمرة جابت طلي

هههههههههههههه



تقبل مروري

اذا انوجد الضمير الضايع
واذا كعد الضمير النايم

كلشي يتعدل بالوطن
وبين الضمير الضايع والضميرالنايم الشعب زهكت روحه ---- وهم نكول بعد عندك صبر ياعراق ونشوف شنو آخرتهه ويه الي مايخافون الله

شكرا يبو كاطع على هذا المجهود الرائع