الدليل القاطع عند ابو كاطع ج16

بسم الله الرحمن الرحيم
المثل العراقي يقول
طين خاوه يمر على كل الروس
اشرح المثل للي ما يعرف معناه
الطين خاوه هو عباره عن مادة كلسية بيضاء تميل الى اللون الرصاصي الفاتح تمزج مع الماء لتصبح خليط يشبه العجين ويضعنه النساء امهاتنا ايام زمان ماكو كوافير وصالون حلاقة ومكنير وما شابه ذلك من القضايا الفستقية والديكورة للنساء في الوقت الحاظر
وان مادة الطين خاوه تقوي بصيلات الشعر وتساعد على طوله
بدلا من دهن ابو الحية الذي تستعمله الردحات في اغنية البرتقاله
اما الحنه الماخوذه من كلمة حناء معروفه عند النساء ليومنا هذا وخصوصا اللواتي يردن صبغ الشيب الي طلع من ورى الوكت الصعب
فيشقرن شعرهن بالحنه
مكروده ما تكدر اتروح لصالون الحلاقة النسائي الذي منع في العراق بس الان ما اعرف سمحو للحلاقات النسائيه بان يفتحن محلاتهن باحدث القصات
الهم
اليوم اطلعت على خبر
وياريت امي عايشة رحمها الله وتشوف الدنيا وين وصلت
وهي جانت خابصتنا
ديرو بالكم لاتوكعون جدر الطين خاوه
والدليل القاطع عند ابو كاطع
والعهدة على الرابط

http://www.alarab.co.uk/index.asp?fname=\2009\03\03-04\433.htm&d

هههههههههههههههههههه
شر البلية مايضحك الف شكر اخويه العزيز ابو كاطع
هاي بس شعرها 56 الف دولار لعد المكياج بيش عمليات تجميل الانف بيش الرموش الاسطناعية والعدسات ووووو
ويكلك ازمة اقتصادية بالعالم وتوجد مجااعة بدول العالم الثالث لا وخابصينة بالمجاعة الي بالسودان
اي هسه لو بالسوادن ايفتحون محلات مال حلاقة لمدام جنيفر أنيستون جان السودان هسه بلد مصدر ههههه
ابو كاطع المحترم
والله فرحت من لكيت الك موضوع جديد
واتمنى ماتكطع علينا
تحياتي وتقديري

هههههههههههههههه

والله عندك سوالف ياابو كاطع ترد الروح وعاشت ايدك

ياعيني هو ظل طين خاوه ظل بطيخ

صارت القضيه هوسه وما نعرف وين توصل


مشكور عيوني ابو كاطع على المعلومات الرائعه


مع تحياتي

مع تحياتي
اهلا بعودتك منجديد واطلعت على موضوع الجديد في المنتدى السياسي والذي يحمل الرقم 15
وشكرا لتلبيتك دعوة الاخوة المشرفين والادارة

شر البلية مايضحك
الناس في العالم الثالث ميته من الجوع والفكر كاتله
وناس تصفف شعرها بالاف الدولارات
تقبل مروري

عزيزي لو تدري شكثر اجر هذي الممثلة على الفيلم الواحد جان كلت على كولة اخوانه السوريين
المبلغ مو محرز مال التصفيف

بس يله ناس تاكل دجاج --- وناس تتلكه العجاج

منور برجوعك عيوني
والله لايحرمنه هذي الطلة
تحياتي ابو كاطع

ههههههههههههههههههههه
الله يستر اخوية من هذا الزمن
ناس متلكة اكل وناس الله يهديهة
الله كريم

اهلا بعودتك اخي
مواضيعك رائعة
ونحن دائما بانتظارها
تحياتي لك

هههههههههههههههه

والله عندك سوالف ياابو كاطع ترد الروح وعاشت ايدك

ياعيني هو ظل طين خاوه ظل بطيخ

صارت القضيه هوسه وما نعرف وين توصل


مشكور عيوني ابو كاطع على المعلومات الرائعه


مع تحياتي