حسن يبني تلگة الضيف .. حَيْ بيه
وعسى زاد البخيل سموم .. حيبيه
ياهو الجمع ماله وظل .. حيبيه
سعيد الحفظ عرضه من الردية
*************
صحيح الدهر وكت الضيج .. وَطْني
ودار العز تضل للدوم .. وَطَني
موش انه اليمد الايد .. وطني ( إنطيني)
يخسه وكتي .. نفس عندي أبيه
*************
الدنيا من تحارب رجل .. تنفيه
تضكه ولابعد تنطيه .. تنفيه
اثاري الضحك للمهضوم .. تنفيه
تلوم الناس والعله خفيه
*************
انة بجفي وتد للناس .. دگيت
ولا دگت نذل بالناس .. دگيت
بعدني ما طحت وانتة طبول .. دگيت
شد وصلة بعد وارگص علية .. ههههههههههه
***************
سجاجين الدهر بحشاي .. بردان
حزني وصرت بالصيف .. بردان
كمت مجبور اشد اردان .. بردان
ولا مد للشماتة جفوف ادية
**************
مرّات اللِّيالي تصير .. مرَّات (بعض الأحيان)
ومرَّات اللِّيالي تصير .. مرَّات (مُرَّات .. مرارة)
ومرَّات اللِّيالي تصير .. مرَّات (مرآة)
ومرَّات اللِّيالي تصير هيَّ
تحياتي :66 (8):
