شيخلصك بعد مني ؟؟؟؟ للشاعر الشاب برهان العراقي

شيخلصك بعد؟من يمي وين تروح؟
لوووو تبــچي مقـل ماأقبل أعذارك
شفــت چتال ابويه وماحچـيت أوياه
لإنـــي اليـــوم أريـــد وياك أتعارك
ماگتـــلك تعال إنت إعـتنيت وجيت
وبحلـــگي وغصب ذبـــيت جمارك
كافـــي تخــوني وتلبس هدوم الغير
أنه البيدي غسلت وصبغت زنجارك
تجرحني وأعوفك وأحلف آنه انساك
وأگول اختار غيرك وارجع أختارك
تحاسبني إعلى ذنبي وآنه مؤمن بيك
إذا حچــيك صدگ حاسبـــلي كفارك
عنــك بالدمــع اشگــف احجار إلغير
خايــب ليش تكسر جامي بحجارك؟؟
لاتجـبرني اكشفك واحچي بين الناس
وابين نقط ضـعـفك وافضح اسرارك
وأگللــــهم أناني وخايــــن وبــــذات
وشوفهــــم مكان العافـــه بســـمارك
آنه اول گصــب رادك منـــاجل بــية
وآنه اول خشـــب يتمـــنى منــشارك
بشــــجارك بنــــيت وهذا بـوم البـين
خايــف يبـــني عشــه برهبة اشجارك
إحرست فارك إمساهر من الف بزون
ليــش تخــلي عبــك يلــعب ابفارك؟؟
وهسه وشرد اسولف..عني روح ابعيد
بعـد مابــية اطــيقك واحــتمل نــارك
مســـحتك من دلـيلي بعــشر مساحات
وگطعت إذني لجــل مااســمع اخبارك
دور بالـــگلب من تلـــگه اسم فرعـون
ذاك اليـــوم يمـــكن تلـــــگه آثــــارك
مثل حبـــنه گبل نتـــشارك إنــت تريد
إنـــت بلا وفــــى ومـــاريد نتـــشارك
گــــبل ســعرك چبــير بگلبي ماينقاس
وهسه بسـوگ گلبي إنخفضت أسعارك
إنهـدمت إنـت بعـد ياحكـمة تـنفع بيك!
مواعــــــظ دنـيـتك ماتكــفي لعــمارك

بذات
عشگتك إنت دون الناس بذات
لإن حبــك سكن بالنـفس بذات
لچـن وسفه طلعت وياي بذات
وطــلع حبـك رواية ومسرحية

تح ـــيــاتـــيــ

مميزة يامحتارة
اختيار رائع -- سلمت يداك عزيزتي
وشكرا للشاعر برهان العراقي
دام لنا عطاؤك -- وتحياتي لك

شكرا لكي عزيزتي على مرورك الدائم في صفحاتيـ

نورتي موضوعي

خالصـ وديـ

آنه اول گصــب رادك منـــاجل بــية
وآنه اول خشـــب يتمـــنى منــشارك @@@ أووووووووووف يا الهي حلوهل الخيال

شكرا لمرورك س ـيدي

ازدادت صفحتي اشراقا

مودتيـ

كافـــي تخــوني وتلبس هدوم الغير
أنه البيدي غسلت وصبغت زنجارك
تجرحني وأعوفك وأحلف آنه انساك
وأگول اختار غيرك وارجع أختارك

الله كلمات رائعة وقصيدة جميلة جدا
شكرا لكي يارائعة اتمنى لك المزيد من التألق
ننتظر منك المزيد
تحياتي وفائق تقديري

اتمنالكم التوفيق والابداع دائما
موفق بإذن الله ... لك مني أجمل تحية .
تقبلو مروري

مميزه يا محتاره
شكرا لكي وللشاعر برهان العراقي
تقبلي تحياتي