دفتر صرت للصدمات............ وقلام الدهر تكتب

تاه احسابها اشتحسب .........عليمن تشره وتعتب
دنيا اوضاع بيها الزين...وتساوى الكشر ويه اللب
ناس وعايشه بوجهين .......حيره شتكره وشتحب
يكلبي الدنيا شرجي وياك...... هيهات الشمال يهب
دفتر صرت للصدمات............ وقلام الدهر تكتب
جرحي لا دوه يمض بيه .....لا شل لا نفع بيه طب
عمر وكضيته بالحسرات ........تجلوبة عمه يجلب
ليمته اتنطر المامش ...........واذوب بنار حسراته
وليمته اتسامر ويه الليل ........وتناغه ويه نجماته
حسبت اليزرع الطيبات.......... يتجازه على طيباته
وحسبت اللي يحب الناس ........يترهى على كلفاته
غم عيني عل َهل الحسبات ....غم ظني على خيباته
اثاري بنادم من يطيح........... اخوته تصير شماته
عسنك برده* من هل الحال ....وعسى جرحك يكلبي يزيد لجماته
يلن طبعك طبع هاون............ تجيه من ايده طكاته


منقول

شعر رائع
الف شكر بارك الله بيك

يارب يسعد كل ايامك أ.احلام
سيدتى
ما شاء الله
تنوع متميز
تحياتى واحتراماتى

احلام ...
رائعه اختياراتك كما عهدناك
وجميلة هذه المشاركه الطيبه
ولك مني الود وننتظرك منك ابداعات جديده
يلن طبعك طبع هاون............ تجيه من ايده طكاته
حلوّه كلش هاي الصوره
تحياتي

وليمته اتسامر ويه الليل ........وتناغه ويه نجماته


اختي العزيزة احلام الشكر لايكفي ولايوفي لما قدمته هنا من تمييز

كوني دائما بخير وبهذه الروعة

ننتظر من ذائقتك المزيد

مودتي وفائق احترامي

اسعدني مروركم فوق سطوري المتواضعه وتميزكم للموضوع هوه مروركم الرائع له
الف تحيه مني لكم جميعااااااا

الله على روعة الكلماتــ

شكرا لكي يا مبدعه

خالصـ وديـ

تسلمين عزيزتي لمرورك تحياتي