الدليل القاطع عند ابو كاطع ج13

بسم الله الرحمن الرحيم
ايام زمان في العراق
كان السفر مفتوح قبل ان تصير الحرب بين العراق وايران
او ايران والعراق
هسه ما نختلف على التسمية
كل واحد يفسرها شكل
الناس جانت تسافر
ويرحون للبنك يصرفون الف دينار عراقي
نعم الف دينار عراقي
ب3333 ثلاثة الاف وثلاثمائة وثلاثه وثلاثون دينار
ويرحون يفترون اوربا ويتونسون
وكانت جيكوسلفاكيا من الدول الفكريات بس العالم يروحون على مود يجيبون منها ثريات لانهم مشهورين بالكرستال

اي انها مدينة كانت تعج بالعراقين الي يتونسون براحتهم
خالي
الدبل عالي
ويتوسلون بالعراقي
اتصوروا
والله كانت سفارتهم في بغداد في منطقة الكراده خارج يتوسلون وبنفس اليوم ينطوك الفيزا ومع الف تحية من
سكرتيره شكره بطول وجمال
واكثلر الشباب كانوا يروحون للجيك بسبب هذه السكرتيره
هسه نترك السكرتيره
انقسمت جيكوسلفاكيا
الى نصفين
جيك و سلوفاكيا
هسه الجيك ماتقبل العراقين وتطردهم نعم لانهم طالبي لجؤ
ونسوا اشكد اشترينا منهم ثريات
ونسوا اشلون جانت سكرتيرنهم تستعجل الفيزا بنفس اليوم
بس
شنكول
رضينا بالبين والبين مارضى بينا
والدليل القاطع عند ابو كاطع
والعهدة على هذا الرابط
http://www.alarab.co.uk/index.asp?fname=\2009\02\02-26\958.htm&di

مشكور اخويه العزيز ابوكاطع للموضوع

والله شكلك احنه جبنه الحجي لنفسنه

يعني العراقيين الي كاعدين بحالهم كل اشويه امقدمين على دوله

هسه اهنا بعمان كومه عراقيين ساكنين ومستقرين نوعا ما بس ميرضون بحالهم يقدمون على un مال اللاجئين حتى يطوهم لجوء انساني الى امريكا واستراليا وكندا والسويد والدنمارك ........

ماادري يمكن يعتقدون لم يسافرون راح تنفتحلهم ابواب الجنه : شقه وسياره وشغل ودراسه على حسابهم !!!!!!!!!!!!!!!!

اني شخصيا مااصدك زين ليش

ولمن تسألهم يكلولك مابيه رجعه للعراق والعراق انتهى ومنفكر بالرجعه

يعني ذالك اليوم قريت خبر او سمعت بالاحرى على الشرقيه السويد رجعت 4500 لاجئ عراقي بالسويد واطتهم 3000 دولار والسبب بان السويد ممقتنعه تطيهم اقامه

بداخل نفسي كلت احنه العراقيين اهل العزه والكرامه يشمرون بينه من دوله الى دوله

والمشكله احنه سببنه هذا الشي لنفسنه

ليش يسافرون الناس العاديين يعني الي مااعدهم شي خصوصا الوضع بالعراق اتحسن

اني شخصيا الدافع الرئيسي لبقائي بالاردن هي الدراسه لان المناهج تختلف

زين الي مااعدهم شي والي متخرجين ليش ميرجعون للعراق يفيدوه ويستفيدون



اسئله واستفسارات لاتنتهي

والجواب : ؟؟؟؟؟؟؟؟؟؟؟؟؟؟

مشكور اخويه العزيز ابوكاطع لطرح الموضوع

وفعلا هذا الشغل الشاغل لكل عراقي

عذرا للاطاله اخي العزيز

شكرا

تحياتي

عيوني ابو كاطع
اذا كل عراقي شال شلاله وطلع من العراق متكولي المن يهدون العراق ؟؟؟؟
يعني الوطن اذا مايحضن ابناءه ويحضنونه شنو قيمة الإنسان !!!!!
الوضع ماشالله صار احسن من الأول
وشوي شوي الأوضاع المادية والخدمات تتعدل --

اخي العراق محتاج عياله وكافي غربة وبهذلة
وباعتقادي زين تسوي الدولل الغربية ماتستقبلهم لأن وطنهم اولى بيهم
والعافية مثل مايكولون بالتداريج يعني انشالله الخير لجدام
ولو يدورون العالم كله مايلكون مثل العراق وحضننه الدافي ومحد يحفظ كرامة الإنسان الا وطنه

اللهم رد كل غريب الى وطنه سالما غانما
والمثل يكول ( مايحك ظهرك مثل ظفرك )

مشكور عزيزي -- وتحياتي لك ولمجهودك الطيب