ابوذياات !
مرتب ماشفت مثلك ولا صاك
ياهو الغيرك بعدي و لاصاك (خربطك)
اني ماكاتل بيدي ولا صاك
ومن حبك صرت اصك بثنين ادية
ندوخ احنة بدونك ياهوآنة
ومن اشوفك مااعرف ياهو أنة
غوغل اصيرن الك وياهو انة
دبليو دوت وتدخل علية
حسبتك الي ياخلي نداماي
يبير الما ابد منك ندا ماي
بعد شيفيد من تالينداماي
مضه صواب التجافي وعمل بيه
ريحه اتفوح من جسمك وردماي
واحملك كسرة اضلوعي وردماي
ابشرك كلبي كام ايظخوردماي
اسمك بالوريد اشعمل بيه
عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه
اريــد اعزف واغنيلك .. عتابه
وعليك الگلب ما بطل .. عتابه
احن لدارك ما انسه .. اعتابه
وتضل ذكـراك دوم تعم عليـــه
ذبح تفخيخ ياوادم خلصنه
بسبب للدين واليمّه خلصنه
يصاحب بالفرج عجل خلصنه
طغيان وظلم عم البريه
يصح عدنة الصحيح ويصح ماصاح
يصاحب لاتصيح الصاح ماصاح
يصح صاحب صحيحويصح ماصاح
ويصح للبين مايسوة هدية
اهموم الدنيه تراهه اهواي..مالمتني
امطشر وتكترت خلاني..مالمتني
لون بالحالتدري الناس..مالمتني
الوكت واحبابي علي طبكو سويه
سر مخفي بحسنهه حاجباها
وخط الطول يمكن حاجباها
خاف عليهه ابوههحجباهه
شمس وتحجبت شيصير بيه
النسه ما عاشرن واحد وفنه
صعب ما ينعرف غشهن وفنه
شحده اليوصل بحرهن وفنه
عكب الطيب يجازنه برديه
وحك اهل الوفه والملح والزاد
الكرم افضل معاني الشيم والزاد
حلالي مايهمنيالنقص والزاد
تهمني الناس شتسولف عليه
اطلع من جفن عينك وارد بيك
واشتم عطر من خدك ورد بيك
صرت مثل لقصيده انتورد بيك
وصرت انت النبض والروح بيه
هبة ربي وهديته وانت منـــه
صرت شريان گلبي وانت منه
خل احنه نتأملوانتمنــــــــه
نعيش احنه العمر كله سويه
جفتني ضنون خلي من يردهه
وعلي سهام كلبك من يردهه
اذا الايام تفعل منيردهه
صبور اشما حكم ربي عليه
ابد ماشفت بخلاقك وعدلك
واريد اكتب اعله روحي وعد لك
حالف الا اموتنكوعدلك
ودفنك يمي حتى اصير اليه
الغيرك مافزع كلبي ولاثار
واظن مابعد تطلبني ولاثار
بعدهه بكلبي لجماتك والاثار
وجروحك بقت نيشان بيه
لون تنسون حبكم منس حبنة
وباقين أعله حبنة منسحبنة
مثل أمبير حبك منسحبنة
ألف أمبير حبك صار بية
صحيح بعيد بس كلبي شعر بيك
حزين وباقي بس يكتب شعر بيك
عجيبه اشلون ضل اسودشعر بيك
وانه بفركاك ماضل شعر بيه
حزن دنياي تمطر ماصحتلي
وردت بس فرصه اشوفك ماصحتلي
وكفت اكبال عينكماصحتلي
وصحتلك مادرت وجهك عليه
لعشك كاروكه يامه..لوله بيه
وفرني شلون فره..لولبيه
احبه وحبه نخله..لولهبيه
ارجف لون طاري مر عليه
انا الماكرر ابحجيي ولا عيد
ولا احسب ابزلاتك ولاعد
اشمالك ماتمر بيه ولا عيد
الخللمدري ابجنابك مدري بيه
شمالك يا ضعن بهواي شـتيت
وانا وياك بالافكار شـتـيت
اذا انت بقميص الصيفشتيت
اني مصلخ شتاك المر علـيه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطكواكتبه
شدهني جفاك من غصبن عليه
كلتلك رد حبيبي وكلت مارد
واحس حجيك بنص احشاي مارد
صرتلك حتى بالفانوسمارد
كمت كالساع تتامر عليه
الكلب حبك وغيرك ابد مختار
ولدروبك يغالي صبح مختار
بحبك تاه مخه وصارمحتار
يحط عالناس بس ميحط عليه
الك مسكن وسط روحي غرفتين
واريدا من عسل شفتك غرفتين
مو بس عسل بيك انتهغرف تين
اطينه من غرف تينك شويه
حبك بالكلب غالي وشلته
ودمعي بيوم هجرانك وشلته
احب كلبك وصحبانهوشلته
واحبك حيل يالمبعد عليه
اون عليك طول الليل ونهار
ودمعي فيض الوديان ونهار
دليلي تمرد بفركاكونهار
يمته تعودلي ونلتم سويه
عليك الروح نص الليل ونت
لان برغي الكلب مفتوح والنت
ادور عليك بالقاعاتوالنت
وينك يا حلو بس رد عليه
اصيح بصوتك و انت وياي ردرد
احبك لا تروح بعيد ردرد
اذا جتك رسالة شوك ردرد
لان ردكيرد الروح الية ....
وحك العين ثم اللام واليا
عليك انشد منو الي راح ويا
ولاني زماني شلون ولية
اخذ مني الحبيب وخان بية
حبك بالكلب ياصاح ضلضل
من تعبر علينه يصير ضلضل
تريد اتروح لا لتروحضلضل
لانك لو رحت شيصير بيه
يبن ادم جم مرض زارك وعليت
ولا يوم غسلت كلبك وعليت
يا طير شما طرت انتةوعليت
تطيح وحفرتك مترين هية
احلفت ما اكعد بفيك ونخلك
شلون تكول انت اخوية وانه اخ لك
لجيبن منخل الخوة ونخلك
واطلع كل اخو يكول شعلية
نشدت الناس عنك ونته ماكو
وعليه الهم يغالي مثله ماكو
اريد اسمععلومك شكو ماكو
وانا الممنون اذا تسأل عليه
