السلام عليكم
تتحدث هذه القصيده عن الرمح الذي رفع
رأس سيدنا الحسين (ع) , وتقول:
الرمح
عفيه كَلبك يارمح راس الحسين
شلون شلت الراس تانيته انكتل
هيه كلفه وصعبه توصل للعقل
فوكَ خشبه شلون يتعلك جبل
هوه راس حسين كوكب بالسمه
اكبر من المشتري واكبر من زحل
وحتى دم حسين مو مثل الدموم
كل كريه البيه مثل حيدر فحل
وارد اكلك عيب مو بس عليك
عار عالغابات كلها وعلخشب
وارد اسب كل خشب لو ما اكول
تدخل النيران وانت اصلك حطب
ولو مو اول خشب يدخل حساب
عيسى كبل حسين دكوه علصليب
بس فرق ذاك الخشب دكوه ثبات
انت تفتر ليش بالراس الغريب
انت تفتر ليش بالراس الغريب؟
وشكرااااا
