احداث غريبة لكن حقيقية بالعراق

طبعا ولو زمن الخيال انتهى بس اعتقد بالعراق كل شي يصير ويفوق الخيال وراح احجيلكم كم شغلة ولو هية مو غريبة على احد منكم بس شوفوها واحكموا

ام الكيمر؟؟

مرة جنت اصلح السيارة وذبحتني طبعا بس مصاريف وجان يم المصلح وحدة تبيع كيمر مره عجوز
واحد من اصحاب المحلات ظل يلح وياها علمود ماعون ماخذة من عدها وميقبل يرجعة وكاعد يلاسنها اخير شي ضاجت وكلتلة اذا مترجعة تصير مو زينة ...كللها بلة شراح تسوين ؟؟
هيه بلا جواب مدت ايدها جو العباية وطلعت مسدس وجمالة من النوع الحديث وسحبت طلقة وكلتلة جيب الماعون احسلكhttp://us.i1.yimg.com/us.yimg.com/i/...mileys2/12.gif والاخ طفر راح جابة واجة طلعت مو عجوز رامبو هههههههه
والمسدس طبعا حقيقي

البحارات

تعرفون البحارة اللي يبيعون بانزين مو؟؟ بس مسمعنا اكو بحارات
وطبعا شفتهن بنات صغار بالعمر بين ال 9_10 سنوات تبيع بالشارع بانزين وامها على الرصيف كاعدة وهية تهز بالمحكان وتاشر للسواق وتشيل الدبة ام العشرين وتترس بانزين جنها شاب بال 15 واللة عجبة هذا الزمن بنات يشتغلن هيج شغلة تعبانة وسلملي على الحكومة

كاترينا

كلكم تعرفون اعصار كاترينا اللي ضرب امريكا عساهم بابو زايد ضربة رب العالمين
من جنت يم المصلح لكيت سيارة حديثة مضروبة من فوك كتلة للمصلح هاي شواكع عليها
ضحك وكال واكعة عليها شجرة من اعصار كاترينا !!!http://us.i1.yimg.com/us.yimg.com/i/...mileys2/11.gif!!؟؟
كتلة شنوووووووووووووووو؟؟؟؟؟
كال اي واللة هاي جيابيها من امريكا وجماعتنا استوردوها وكاعد نصلحة ونرجعها مثل قبل ونمشي شغلنا
كتلة يعني حتى همة ومتضررين هم مستفادين شنو من بخت هذا اhttp://us.i1.yimg.com/us.yimg.com/i/...mileys2/02.gif وجمالة باعوها علينا
مضلت زبالة بالعالم اذا مذبوها علينا ..وانوب يكلي هذا خشب من الشجرة اللي واكعة على السيارة راح احتفظ بية كذكرى ..كتلة اي مو جايبة من مكة من رحت للحج ههههههههههه وهيج معتز بية واللة صرنا تصنيف

السوداني

اللة يرحمة للاخ السوداني جان موجود بثلاجة مستشفى اليرموك ومحد يعرفلة اهل او اقارب
الجماعة البحارة اخذوا الجثة مالتة وحطوها فوك السيارة مالتهم ويطبون بيها للبانزيخانة واللة عساس عدنا ميت ويخلوهم يعبون بانزين بسرعة وعلى هاي الرنة كلسع واحد يذبة والثاني يشيل بية ولا كانة ميت والة حرمة
واللة مكاعد ادري الدنيا عوجة لو احنة عوج مااعرف شنو السالفة وبعدين اخذوة ومرجعوة واللة يعلم وين انشمر
ويارب الرحمة لكل الاموات والاحياء

منظر وفززني

ولو هوة مو شي غريب عليكم بس اني فزيت منة صدك واللة
جنت كاعد بالسيارة بصف السايق صاحبي من الفلوجة واني مطفي وهوة مستلم واحد كاعد يتعارك وياة بالاشارة لانة كسر علية ههههههههههه من الفلوجة بعد دمة حامي
المهم طبكت يمي سيارات الشرطة اللي مستلميها جديد وتصير جبيرة مثل البيكب نوع جي ام سي
واني التفت واشوفلكم تقريبا خمس جثث وحدة فوك الثانية ومتيبس عليها الدم ومنفوخة واللة انشك قلبي من المنظر وطلعت الدنيا من عيني واللي يقهر دمهم ينزل من السيارة ويسيل على الشارع وكلت ليش هيجي دمنة رخيص والكل علينة ووراها جانت بعد سيارتين هم نفس الشي شايلة جثث ومبين عليهن صارلهن هواي من متروكة
ويارب يرحم العراقيين برحمتة الواسعة






منقووول

اي والله اللهم ارحم العراق والمظلومين

الي داخل العراق والعن كل من يدمر بالعراق

شكرا على النقلة الرائعة سومة وبارك الله بيج

مشكورة سومة صدك والله
ما ضل شي بالعراق ما سويينا
شكراً على الموضوع

ونقل موفق

تحياتي

عراقي أصيل

العفوووو ومشكورين على المرور