من احلى الابوذيات......

زماني من زغر سني ولاني
أخوي وأعز خلاني ولاني
لامطبوخ يطعمني ولاني
أطحن بالصبر والهم بديه
$ $ $ $ $ $ $ $ $ $ $
صفت عودان ايدي مرصيدك
مره انت تصدني مرصيدك
اذا السنتات ظلت مرصيدك
تره أنه الفكر رمش علية.
$ $ $ $ $ $ $ $ $ $ $
ماهمني بدليلي الدهر من دج
ولامره شكيت الحال من دج
طرت ها ماطرت بالريش من دج
شبر ومخالف الجيلات بيه
$ $ $ $ $ $ $ $ $ $ $
عفيه وظل عكل بلراس ماجن
وحتى اطيوفهم بالنوم ماجن
خجول اهواي بس بالشوك ماجن
الوج اعليك جن مكروص حيه
$ $ $ $ $ $ $ $ $ $ $
بجيت وبالدمع للعين صفيت
اخبطوا ياما اخبطو وشكثر صفيت
يصاحب ويه دهري علي صفيت
انطبكتوا اثنينكم عدوان اليه
$ $ $ $ $ $ $ $ $ $ $
انه الزايعني وكتي وانته زعلك
ومنو من كلبي جرك وانته زعلك
زعل الدنيه هين وانته زعلك
يظوجني بحيث ازعل عليه
$ $ $ $ $ $ $ $ $ $ $
علي ضاكت الوسعه من يلمني
وجرحي بيش اهيده من يلمني
ترى اللايم يصاحب من يلمني
يزيد اجروح فوك جروح بيه
من غير الردود يجف الموجود

باقه منوعه من الابوذيات الحلوه
تحياتي لك وننتظر المزيد

باقه منوعه من الابوذيات المختاره الحلوه
لك تحياتي

علي ضاكت الوسعه من يلمني
وجرحي بيش اهيده من يلمني
ترى اللايم يصاحب من يلمني
يزيد اجروح فوك جروح بيه

الله الله ابوذيات رائعة اخي بوركت

تقبل تحياتي وودي....
ننتظر نزف قلمكم القادم

شكرا لهذه الباقه الجميله من الابوذيات
احسنت وتقبل مروري

أشكرك على الأبوذيات الرائعة الجميلة ننتظر المزيد
تقبلها مني
:66 (46)::66 (46)::66 (46)::66 (46)::66 (46):