بعدني وياك
بعدني وياك أمشي مغمض العيون
وبعدها شفاي ترجف من يمراسمك
وبعدك انته روحي وكلبي ينبض بيك
ولا فــارك خيالي ولا رحـل رسمـك
واذا مــرة تغيب اتصـور الموضوع
الكلـب كبـلك يغيـب وتشتعـل نــاره
واذا مــرة تمـر صدفــة وتدك الباب
علـى الجيـران روحي تــوزع بشـارة
جمالك مو طبيعي الناس داخت بيك
وآيــه الكــل جمال اسمك يظل شارة
واذا كل يوم تطلع شنهو ذنب الناس
محــد يظــل كــاعــد صدّك بــداره
مرة اسمعت عنك تمشي وسط السوك
غـالـي السوك شافك هبطت اسعاره
وأريد اطلب طلب منك يابعد الروح
أذا رمضــان كــرب لا تظل جـاره
لأن الهــلال خــدك والنجـم العيـون
وكلهــا النـاس تفطـر تمشي بفطاره
خطيــت الناس كلها بركبتك يـازين
روح المــرجعــك وادفــع الكفّــارة
منق ـووول
