زهيري بيه كل الجامعات والكليات وفروعها واقسامها

مع تحياتي
كنت اتجول بين المنتديات ووجدت هذه الابيات من الزهيري وحببت ان انقلها
لما وجدت فيها من ترابط جيد
\\\\\\\\\\\\\\\\\\\\\\\\\\\\\\


كتبت سلسله زهيريات لجامعة الموصل واهديها الى البرنسيسه وكل طلاب وطالبات جامعة الموصل
الشـــــــــاعر حمد الفراتي

أوصافك لكل المعاني شامله وكليه
وشوفتك هوا وشرب ماي وأكل ليه
ماضمت مثل حسنك لا معهد وكليه
لا علوم ولا هندسه ولا زراعه وتربيه
وأحس انك من اوتار كلبي وتر بيه
صعب ينجمعن سوا علم جمال وتربيه
بس انت اوصافك لكل المحاسن جامعه
وجمالك من اجا لك الخلق جا معه
ولا حوت مثل رسمك كل الجامعه
وانا اعرف الصياد من يصيد صيده له
بس انه لمن أصطاد صيده صيدي له
هواي شفت عيون بالآثار وصيدله
بس ماشفت مثلك يابوقسم المحاسبه
حاسب لكل حساب بس حسابي وياك موحاسبه
حسابي وياك يحتاج كمبيوتر مو حاسبه
لان نظرت عيونك اصعب من علم ذره
محد مثلي يحبك من وزن الجبل ذره
ذريت عمري الك ياهو الي إلك ذره؟
ولوحجيت وياك بالأخلاق أحجي والآداب
ولا اذكر لغيرك سار جدمي ولا داب
ولا لمحت ألك شبه بالحاسبات والآداب
وتلاكينا وجه بوجه ماصدوجهه ولاداره
ولا غيره محب ملك كلبي ولا داره
ماكو مثل خصرك بالرياضه ولا اداره
ولا علوم وتمريض ولاقانون ولا طب
ولا شميت مثل عطرك مسك ولاطيب
ولو مرضت العلاج مايشفيي ولاطيب
الا بلمسه منك اشفى وترد بيه الحياة
وبدونك ابد ما أحس الها طعم الحياه
مثل شفتك ماشفت بكل علوم الحياة
ولا مر الك شبيه بسنتر ولا نادي
ولغيرك ابد مايعلى صوتي ولانادي
ولامنتخب مثلك اشجعه ولانادي
ولا عندي مثل حبك هوايه ولارياضه
والكون لاجنانه بيها مثلك ولارياضه
ولا التقانات تحوي شبهك ولارياضه
والتكنلوجيه ماحوت شخصك لامعاهد
الزمن عهد حب بس مثل حبنا لامعاهد
وعاهدك بس انته وغيرك لا معاهد
وأعاهدك بلا حلف ويمين ولا أقسام
يلتصوب بعينك بلا رشاش ولاأقسام
محبتي الك ماهي قسم ولأاقسام
محبتي الك يابعد الروح كليه

اضيفت بواسطة: الشاعر حمد الفراتي
\\\\\\\\\\\\\\\\\\\\\\\\\\
والله هذا الشاعر حافظ الكليات والجامعات والمعاهد وكل اقسامها
احسن من هواي ناس بوزارة ال \ \ \ \ \ \ \
ما يعرفون كم عدد اعضاء فريق كرة القدم
\\\\\\\\\\\\\\\\\\\\\\

حياك استاذ ابو الغيث على هذا الزنجيل الرائع بارك الله بك يالغالي

ابداع × ابداع

شكرا سـ يدي على الكلمات المميزة والرقيقة

جميلة بجمال حضورك كلمات لامست القلب برقتها

شكرا مرة ثانية

نتمى ان نرى دائما هذا الشعاع من التميز

كون بخير

خوش ازهيري
عاشت ايدك عزيزي
وتحياتي لك وللفراتي المبدع

عاشت ايدك استاذ على الاختيار

يارب يسعد كل ايامك سيدى ما اروع اختيارك ربى يسعد كل ايامك تحياتى واحتراماتى