ماتستاهل ابجيلكـــــــــ

ماتستاهل ابجيلك حرامات
ولاتاخذ بعد من عيني دمعه

چنت ازرع ورد بس هسه مجبور
حته الباقي منهن راح أشلعه

أيس مابقتلك يمي اسرار
وحته اليدگ باب الروح ادفعه

بقى يمي الشمع بس ذوبه الليل
وانه متاني الصبح يطلع واشيعه
http://www.mowjeldoha.com/mix-pic/an...-02[1].gif
عرفتك ثوب بس ماتستر العيب
المايرهم علي مجبور انزعه

چنت اخجل واعبرلک حجی هوای
واعرف بي چذب بس كلت اسمعه

وهسه أتكطعت وياك الدروب
وبقه درب الخجل بلساني اكطعه

كرهتك كثر ماودعت الشموع
شمعه بعيني تحله وتطفه شمعه
http://www.mowjeldoha.com/mix-pic/an...-08[1].gif
جنت كبر الجرح شايل معاناة
وصدك جان الكلب من ينعه ينعه

جن داخل حسن لو طلعت الاخ
وتطلع روحي الك وتردهه فدعه

حسبّتك رقم من لمعة البيك
وين ادري الصفر هم ينطي لمعه؟؟

وين ادري الغصن بيه يركض الموت
وعلى عش المحنه يودي الافعه
http://www.mowjeldoha.com/mix-pic/an...-06[1].gif
باجر راح اجفن كل الجروح
ونعش الذكريات براسي اشيعه

وباجر راح اهدّم بيت الدموع
وابني من الفرح بعيوني قلعه

وتذبل شفتك وترد الي زحوف
وانه بجفي النهر وبكيفي اكطعه

وأكلك كلشي مات اللهفه والشوك
محال اليندفن تكدرترجعه

وسود تصير كلهه ايامك البيض
وينذل خاطرك ويعض اصبعه
http://www.mowjeldoha.com/mix-pic/an...-02[1].gif
مثل ماجرعتني بكاسك الموت
كاس الذل شرط باجر تجرعه
كاس الذل شرط باجر تجرعه
******
للشاعرميثاق الهلالي

جميـــل هذا الإحساس الموجــع بين السطور
وجميل ٌ هو اختيارك دائما ايتها المحتارة
بوح مؤلم --- وصدق في المشاعر
شكرا لك وللشاعر الكبير ميثاق الهلالي
تحياتي عزيزتي

جميل هذا الاحساس والشجاعه على
مواجهة من تحب حتى ولو بالدموع في مداد
لكلمات لا تخطها الايدي
اختيار موفق يارائعه
تحيه لكي وللشاعر الكبير ميثاق الهلالي
تقبلي مروري

محتاره
الله لايحيرك ان شاءالله
وجميل هذا التميز بالتواجد
والاختيار
تحياتي

مَعَ عِطرِ كَلِماتِكم

أَجِدُني في رِحلَةٍ ترسو عِندَ بساتينِ الكَلِمَةِ الطيبة

مَغمورتاً بالسعادَةِ بهذا الحَضور ..

كونوا بالقُرب

شُكراً جزيلاً



تــــــح ـــــــيـــــــاتـــــي