بوسط كلبي الك لوعة ...على امصابك يبو الاكبر

بوسط كلبي الك لوعة = تضل وافراحي ممنوعه
على امصابك يبو الاكبر = صدري بالحزن وجر
تضل وافراحي ممنوعه
--------------------
الك دمعات يبن حيدر = على اخدود الدهر تجري
والك نار الحزن تسعر= ضلت جايده بصدري
يمخضوب بدمه المنحر = على امصابك نزف عمري
ولك نوح الزمن يفتر = يضل بيه الهضم يسري
على مصابك بجى الهادي = وامك فاطمه اتنادي
بوسط كلبي الك لوعة= تضل وافراحي ممنوعه
--------------------
اذا يلفي شهر عاشور = نشوف على الشمس دمك
وانشوف البدر مقهور = وهلال الحزن يمك
يطوف بحضرتك ويدور = وابوناته الكمر ضمك
هاي الحمره يا منحور = صارت بالسمه اسمك
هاي الحمره كلي منين = من نحر الشهيد حسين
مصبوغه بدمه المنحر= وصدري بالحزن وجر
تضل وافراحي ممنوعه
--------------------
يبو السجاد يا مظلوم = على مصابك نعى جبريل
والعرش انتفض مهموم = وي ميكال واسرافيل
وانته على الارض مدموم = ودمك علتراب ايسيل
ومن داست عليك الكوم = وا بصدرك تهد الخيل
داسو والله على القران = وشبو بالعرش نيران
من هاي الصخر ينطر= وصدري بالحزن وجر
تضل وافراحي ممنوعه
--------------------
اذا نشرب لذيذ الماي = نذكر كلبك الضامي
نعتب عالفرات بهاي = ونصيح بدمع هامي
يمك يا نهر الحسين = كلبه من العطش حامي
مايك جا خجل من هاي = جاغار وصبح طامي
ويمك ينذبح عباس = وبكتره العلم والطاس
ويلي والطفل فرفر= وصدري بالحزن وجر
تضل وافراحي ممنوعه
--------------------

منقول

احسنتي الاختيار وجزاكي
الله خير الجزاء
لكي تحياتي

اختيار رائع وكلمات اروع
عطر الله انفاسك عزيزتي احلام
ودام لنا فيض مدادك -- وتحياتي لك

شكرا لمروركم المتألق , وبصمتكم

الفنية هنا

لكم مني اجمل التحايا

شكرا احلام وعسى ماذكرتي بميزان حسناتك
لك تحياتي

تسلم اخوي الكريم لمرورك المميز والعطر
وفقك الباري
دمت بالف خير
تحياتي لك