دني جدمك خل ابوس تراب جدمك

لمن تشرفوا بالمسير لزيارة ابي عبدالله الحسين / عليه السلام

دني جدمك
خلني ابوس تراب جدمك
وخلني اصيرن
ذرة بيها وخلني اشمك
الف هنيال الجدم
لان تمشي احسين يمك
والف هنيال اليواسي
الزهرة امك

وخل نسولف للجدم
سيدي ولجلك تعنت
هاية مو رجلين اسمها
تاج للغيرة تسمت
حتى لو طكاك يحصل
لو تورم ما اهتمت
وحكها تمشي ومو غريبة
كون بترابك تحنت

سيدي يا ابو الدموع
حسين يا حزن الغريب
انا احسد جدم تمشي
وتكصد اتزور الحبيب
غربة بيه تهز دليلي
وبيه بفراكك لهيب
الناس تمشيلك تزورك
وانا مبعد بس نحيب
ولجلك ادموعي من اهلها
ادري لدموعي مجيب
وما تخلي ادموع عيني
بحضرة اسمك ما تخيب

والجدم كلش ترف يا سيدي
ما مشة يطلب حضورك
وما تحنة بتربتك
وعيني تبجي تريد نورك
وانا يكفي من ابوسن
تراب جدم المشو ليك
انا ازورك


-----نسئلكم الدعاء-----


-- للشاعر --
(علي جويد البزوني)

سلام الله على كعبة الاحرار
ابي عبد الله الحسين
وحفظ الله السائرين الى سبط الرسول
تحياتي لك هاشم
وشكرا لهذا التميز
والتواجد الجميل
تحياتي

كلمات جميلة شكرا على القصيدة

مشكور اخوي ماجد الشاعر
لمرورك متصفحي وردك الجميل
تقبل تحياتي
:66 (46)::66 (46):

تحياتي الك هاشم قصيده رائعه بحق سيد الشهداء بارك الله بك

شكرا لكي اختي الكريمه
ملكة الاحساس
لمروركي ولردكي
تقبلي تحياتي
:66 (46)::66 (46):

شرفني مرورك اخي الزير روماني
واسعدني ردك
قبلاتي لك
:66 (46)::66 (46)::66 (46):

عطر الله انفاسك ياهاشم وانالك الله شفاعة الغريب المظلوم
قصيدة جميلة بكل مفرداتها صح لسانك ولسان الشاعر علي البزوني
السلام عليك ياقتيل العبرة