قصيدة مهداة الى العراق الغالي

احنا العرب ..
تاريخنا مجد انكتب..بحرف نور وذهب..
حب الارض..عدنا فرض..دين وعرض..
واشرف نسب..بس للاسف باخر هالوقت..تاريخنا كله انقلب..بعنا الوطن..
بارخص ثمن..بيد الزمان صرنا لعب..
عنواننا ذل وتعب..وارواحنا عرض طلب..
بعنا الكرامة والشيم..خنا المبادىء والقيم..
مجد البنوه اجدادنا طاح انهدم..صرنا دول متفرقة وعده امم..ما نتفق واذا اتفقنا نختلف..
تالي الوكت ياللاسف..صرنا مثل وضع الشجر يوم اليجف..مع اي نسمة عابره نحن ننجرف..
يا هالزمن ارد اسالك شلي حصل؟؟؟
شلي تبدل واختلف؟؟
حتى تأمرت علينا كل الدول....
ياهالزمن ليش القتل في كل مكان..؟
ليش نفقد طعم الامان؟؟
وين العدل واحنا نموت وننكتل!؟
تموت المره يموت الطفل؟
هذا العدل؟ما يبقى لوذره امل!
يا هالزمن من يرضي هذا الفعل
من يرتضى عيشه القهر؟من يحتمل
خوف وقلق..هم وسهر
هاذا انكتل هذا انخطف؟
هذا مصيره ما انعرف
هذا انفجر ..هذا اندعس تحت الهمر
اه يا للقهر..اه ياللقهر
اصرخ وانادي يا بشر بقلوبنا ماظل صبر
وين الشرف وين الهمم والنخوه بخشوم الزلم
وين البنادق والفشك؟
ترى العراق ابو الكرم نفطه انسرق!
والاقصى ثالث حرم..شارون داسه بالجدم
وين الهمم؟؟؟؟؟؟؟
وين العرب وين الزلم..وكت الشدايد والحرب؟
وين العرب؟
لولا الصخر ينطق نطق!
لولا الصبر شجره تراه احترق
اذاكم تريدون الصدق؟
حق اللي من عدنا انسرق
مايرجع بغير الفشك

عاشت ايدك على هذا الاحساس والكلام الذهب ومايكول الذهب الاالذهب

كلام اكثر من روووووووعه
مشكور على الشعر الراااائع
وانشالله تصير الامور مثل اول وافضل من اول
تقبل مروري
اختك رند بنت زيونه

لولا الصخر ينطق نطق!
لولا الصبر شجره تراه احترق

قصيده رائعه
عاشت الايادي اخي
في امان الله

سيبقى العراق جبلاً شامخاً لا تهزه عاتيات الرياح سيبقى مناراً ومهداً للحضارات من يستطيع أن يقتل البسمة ومن يستطيع أن يقضي على الأمل العراق منك وبك الامل وكل مل نمر به هو أضغاث أحلام سرعان ما ينجلي@@ تقبل تحياتي النورس الجريح