قصيده للشاعر المتالق نائل المظفر(اسألوني قبل ان)

إسألوني قبل أن..
يابو الحسن
عندي يا مولاي بعض ألأسئله
الواحد بواحد إذا تضربه شيصير؟؟؟
غير واحد؟ ؟شو غلط بالمسئله؟؟؟
أنت كل واحد تضربه بذو الفقار
ينقسم نصين يطلع حاصله!!!
وينطرح بس ينضرب ما ينجمع
شلون واحد والجمع ما يقبله؟؟؟
سيفك القانون بس محد رضاه
لأن أول سيف ينصف قاتله
وراسك القرآن بس محد قراه
وإنفتح بالسيف مو بالبسمله
يا فقير ومنزلك مثلك فقير
وما كو واحد أعلى منك منزله
الثقل بس ضربتك كلهن سراب
والذهب بس مذهبك كلهن طله
الله ما حطلك ملك للسيئات
ملكينك حسنات إمسجله
على جتافك ينعس ويغفه الملاك
وإنتّ ساجد للصبح بالنافله
ما تنام مخدتك تسأل عليك
وتصبح من الشوق سجادة صله
المشكلة بلا حل تجيهم وإنتّ لا
الحل يجيك وما كو عندك مشكله
إنتّ ما ناطق حرف عن الهوى
يعني لازم حجيك إحنه إنرتله
إو والله لو ميت وحي بذاك الزمان
وينقص القرآن إنتّ اتكمله
ناقشوني عالبكي وماي السبيل
وأعتذر مولاي كالوا مهزله
راح أضم وجهي وعليك أبكي بإناء
حتى أراويهم دمعتي إمسبله
تعني قلة مرجلة دموع الرجال
بس عليكم تعني قمة مرجله
إنتّ من النور أصلك والله نور
يعني إنتّ والله تربطكم صله
ويا أمير الما ينصبونك أمير
صدقوا بهذا ألأمر مو مخطئين
لأن كَالولك عليهم ماتصير
وإنتّ يامولاي أمير((المؤمنين))
نّصّبوا غيرك ولكن ماحجيت
لأن ما محتاجهه ونقسم يمين
لو كنت محتاجهه ترد الزمان
وبحياته ينّصّبك طه ألأمين
وإنتّ رجّعت الشمس إم الحساب
يعني تكَدر يا علي إترجع السنين
مو أمير شلون جا ياهو ألأمير
ما إلك مولاي بالوادم قرين
وكلمن يحطونه غيرك مايصير
إنتّ أصلح لو يحطون الحُسين
وصّه بالثقلين من بعده الرسول
يعني قرآنه وعترته الطاهرين
العترة نسلك ياعلي وإنتّ الكتاب
يعني بس وحدك تعادل ثقلين
شنهي حجتهم علي وما نصبوك؟؟
جنت جاهل؟؟ لا يحيدر كاذبين
إنتّ مو جاهل جنت عمرك صغير
وجانوا إهمه كبار لكن جاهلين
وإنتّ باب الكل مدن علم الرسول
وهمه صاروا من خلالك عالمين
وطالما باب العلم إنتّ وقصير
يعني كانوا من يجوك مدنَكَين
يا إمام إنتّ أوّلي إبّدء الكتاب
الما قروا إنك ولي شربوا حميم
إنتّ باء البسملة ولو ما قروك
تصير(سم الله الرحمن الرحيم)
الدين ما يقبل غلط والشك حرام
الدين حجي الله رب العالمين
شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويكول إعتصموا بيه
شلون مو معصوم يعصم معصمين؟؟؟
لا يسيف الله غيرك ما كو سيف
حتى موتك هم ثبت للعالمين
بالصلاة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذو الفقار

قصيدة في قمة الروعه

عاشت الايادي على هذا النقل المميز

دمتي بخير

مع تحياتي

الحقيقة القصيدة جداًً مميزة
شكرا على الابداع المتواصل
دمتي لنا بكل ود
----------------
المستبد

شكرا الج على القصيدة الجميلة

قصيدة في قمة الروعه
شكرا على القصيدة الجميلة

سلام الله على امير المؤمنين
شكرا لك احلام
رائعة هذه اللوحه
وتقبلي تحياتي
ومروري

عزيزتي احلام
دوما متألقة بالنقل والإختيار
دمت لنا قصيدة جدا رائعة بارك الله فيك
والف شكر للشاعر الرائع نائل المظفر
والسلام عليك ياامير المؤمنين ايها الضارب بسيفين والطاعن برمحين

شكرا لمروركم المتألق , وبصمتكم الفنية هنا
اسعدني تواجدكم هنا كثيرااااا
بارك اله بيكم
لكم مني اجمل التحايا