ياصاحب اوصيك طيـع الوالدينك وصل
ووصيك عن الرحم ايـاك تكطـع وصل
واليعمل الخيـر فـاز او لليـريد ه وصل
خلصت ايـام العمــر اذكر اعمالك وبك
الاخــو مـاينفعــك والابن ومـك وبك
مـن تنصب محكمـه وشهـود منـك وبك
جاشنهي كلي العذر والسجل يمك وصل
جسمـك مـن يضغطـه الكبـر ويـداك
وعليك تصيـر كلـهـا شهـود ويـداك
عــينـك والـلسـان ورجــل ويـداك
العـذر مـاينفعـك وشهـود ميــه
***************************
عـايش ابديرة غـرب وصبر وكـولـن وعد
سهـران ليـل الدجـى بحسباتـي اجـمع وعد
يمتـه يـدور الـوكت والـداري ارجـع وعد
ولـو شفت ديـرة هلي دمعي تليلي وهل
وريحتهـا مثل المسك وتفوح عنـبـر وهل
والفـرح بيهـا يتـم والخيـر نـور وهل
وتسامـر او يخوتي بليلـة تهاني وعـد
رضيـت وي الغـرب يا صـاح وعـداي
وحـسبـاتـي اجـمــع دوم وعـداي
وي احبــابي يتــم الـفـرح وعـداي
عيـــد ايصيـر مــن نلتــم سويـــه
***********************
يــاصاحب الروح لـو هاجـت بعــد شلها
وعـين الـذي مــابجـت لـفـراككم شلها
مركـب هـوانا الــوكت وسـط البحر شلها
لاجـذف نجــذف بعـد لادفـع ندفع بعد
مانكـدر انهيــج ونجــر بالــتواري بعد
ظلينـا بـس ننـتظـر والشاطـي عـنا بعد
يالشلت باب الحصن عنه همومنا شلها
مراكبنــا ابــحر وكفــت وشلهــا
وحرنــا شلــون شـنسوي وشلهـــا
نخينــا الليث ابــو الحملـه وشلهـــا
الشــاطي الفــوز وصلنــا الـشفـيـه
**************************
مركـب صبرنــا شلـه والـمـاي شح و نشف
مـن ظـيم هـذا الوكت كثـره مـصايب نشف
يمتــه يطيـب الـجرح والالـم يبـرى ونشف
كـضيت عمـري ابقهـر ويامي دوم وحلـه
سر البكلـبي دفـن مـحـد يعرفـه اوحله
ويــاي وكتـي صعب مايوم طاب او حله
والدمـع طـول العمر يجري دهـر مانشف
شوكـت يجبـل علينــا الفــرح ونشاف
ونـــبرى مــن جميــع الالــم ونشاف
صبرنـا كـرض مــايـه وجـزر ونشـاف
شوكت يــاتي الــفـرج ويـزود مـّيــه
منقووول
