أجمل ماقيل في الغزل العراقي وأهديها الى كل مرأه عراقيه
يلوجهج صبح تجفلني نسماتـــــــــــــــــــــــــه
ويل شعرج سواد ألليل يا ألليل العشك اشطوله
ساعاتــــــــــــــــــــــــــــــه
ويل الرموشج سيوف أبشاط ذبحن ركبت الولهان
أوعزفن لحن من نغمات وناتــــــــــــــــــــه
من ضي الكمر ضي الخدود البيج عاشك والعشك
مفضوحه سكتاتــــــــــــــــــــــه
يل حجيج همس ويناغي شفايف ريح ذاب ألريح
من همسات جلماتـــــــــــــــــــــــــــــه
أنا أتمنى كحل وغفى برموش العين ونزل دمع من تبجين ولثم هاي وجناتـــــــــــــــــــه
لوضفيره على المتون أتنام حتى اشتم عطر من ريح جناتــــــــــــــــــه
لوشامه على الخدود اتغازل الوجنات غزل الكمر
بعيون نجماتــــــــــــــــــــــــه
***
موحقهن يغارن منج كل بنات الكون لأن مابيهن
البيج معتليه العرش والحسن انتي مولاتــــــــــــــــه
************
يافي النخل يا صوت العصافير يادجله العذب
متباهي بذاتــــــــــه
يــــــادمعة فرح يا طعم ليلة عيد ياشبكة مفارك ياغزر دمعاتة
يا حلى غنوه من شفاف( فيروز)يا نشوة خمر
باشهى كاساتـــــــــــــــه
لكتبلج قوافي من الشعر انواع وارفع للعشك بيض راياته ورفع للعشك بيض راياته
تحية حب واجلال والتقدير وأكرام الى كل نساء العالم وارفع القبعة وأنحني الى المرأه العراقه خاصتاً
وتقبلو تحيات الشاعر علاء حسين الشمري
رد: أجمل ماقيل في الغزل العراقي وأهديها الى كل مرأه علااقيه
والله وصح لسانك ياعلاء
وعاشت ايدك على هذه القصيدة الغزلية الرائعة
تستاهل العراقية ( ام الجمال المميز )
احسنت وننتظر ابداع جديد
وتحياتي لك
رد: أجمل ماقيل في الغزل العراقي وأهديها الى كل مرأه علااقيه
القصيدة هنا عامية ،لكن التراكيب قوية فالصور تتدفق برشاقة وجمال وثقة،لاتغربنا عن العراق بل تتداخل مع صور الجمال العراقى وتنبع من البيئة،لقد جمع لنا الشاعر عدد من الصور المتتابعة للجمال وكأنه معرض صور بلاغية،وهذا يدل على قوة قدمه فى الشعر وخبرة وغنى فى قاموسه اللغوى والبلاغى والجمالى ،تحية لهذا الشاعر.
رد: أجمل ماقيل في الغزل العراقي وأهديها الى كل مرأه علااقيه
شكرا سيدتي الفاضله ام فيصل على الكلمات الرائعه ولرد الجميل وشكرا الى السيدهsamarshrif على الرد شكرا جزبلا سيدتي الفاضله
رد: أجمل ماقيل في الغزل العراقي وأهديها الى كل مرأه علااقيه
جميل ماكتبت والاجمل احساسك
تقبل مروري
رد: أجمل ماقيل في الغزل العراقي وأهديها الى كل مرأه علااقيه
شكرا سيدي داود على المرور
رد: أجمل ماقيل في الغزل العراقي وأهديها الى كل مرأه علااقيه
صحيح ابعيد بس كلبي شعربيك
حزين وباقي بس يكتب شعر بيك
عجيبه اشلون باقي اسود شعر بيك
ونه ابفركاك ماظل شعر بيه
رد: أجمل ماقيل في الغزل العراقي وأهديها الى كل مرأه علااقيه
ردت طيفك يلوح ابيوم مالاح
وطعم اجفاك صار اهواي مالح
بعد مادز رسايل بعد مالح
لان كل مادز مترد عليه
