انته الما ردت شتريد اسويلك؟؟

رهمتك علي بس مارهمت وياي
انته الما ردت شتريد اسويلك
.............
عاشرتك نجم من جان عمرك ليل
أذوب وأشتعل حته ابقه أضويلك
............
ومن طلعت شمس خط رجعه ماخليت
ماجازيتني لمن خلص ليلك
............
بانيلك جنت حضرة عشك بالروح
ومرقد للمحنه بروحي بانيلك
............
ردت منك امراد وخذت مني امراد
وعلك بجفوفي شايلهن زناجيلك
...........
وانذرلك جنت وافتر واحني الباب
هسه اتهدمت ياباب احنيلك
...........
امانه اسرار عمري وبيها ما اوصيك
يم شباج ذنبك صاحن ادخيلك
...........
وبكيفك بعد صون الامانه اتخون
ما أكدر بعد أغفر واعديلك
...........
مابينك وبينك حيرتني وياك
مره ابجي اعله طبعك مره اغنيلك
...........
بدلالك جن طفل بالجرح مال اكبار
اشد الجرح بيد وبيد الوليلك
...........
لاتنصف عدل لاترضه بالمقسوم
تاخذ حصتك ومن حصتي اوديلك
............
انته الوزعت والفرح سهمك صار
من سهم الحزن شتريد اخليلك
............
جبتها وياك شعره وعاقل ومجنون
كلساعه وتجرها وانه ارخيلك
............
شلي بهلتعب والعمر وشلة كاس
من كاس العمر جم دوب ابديلك
............
راح اصبر بدونك وارهم بلياك
وأذبح رمش عيني الجان يبجيلك
............
واتحمل عذابك والبعد والشوك
وما حط صورتك كدامي واشكيلك
............
ما اكلك نسيتك بس جرح بالروح
يكسر واهسي ومايقبل امشيلك
............
عيني الشالتك كلتلها اشيلج راح
كالت شيلني وما قبلت تشيلك
............
وجرحي الفاك صدره وما يريد اخياط
واكف جنه واحد جاي يدعيلك
............
بس مجبور ادفنك ياعشك ياشوك
واقره الفاتحه وبالوحشه اصليلك
............
بعيوني الحزن يقرونه اليواسون
والفوك الحزن لوتدري شاحجيلك
............
شمات الاجو واسوني ثالث يوم
حيل وياك كالو مدري شد حيلك
............
وكالو مو حلو الثوب الطويل اعليك
واليكصر بعد لتضن يكفيلك
********************************

الله يامحتاره ابدعت والله بهذا الوصف الرائع هنيئا لك بما خط قلمك الرائع وحقيقة نسجت من هذه الكلمات عقدا حوى جوهرا وصغت قلادة قل نضيرها

سالم العلواني

شكرا اختي محتارة الوردة
على الكلمات الرائعة و المميزة
بدلالك جن طفل بالجرح مال اكبار
اشد الجرح بيد وبيد الوليلك
عاشت الايادي ابداع في الوصف والمشاعر الرائعة
وتحياتي
http://up.foraten.net/uploads/64d7738e18.gif

اح ــبابي

مروركم الاروووووووووع

نورتووووووا صفحتي

شكراا لكم

تحيه لك محتاره
واحسنتي الاختيار تقبلي مروري

مشكووووووووور اخويه عالمرور العطــر

نووووووووورتــ

ودىىى

اختيار رائع عزيزتي محتارة
وياريت تكتبين اذا كان الشعر منقول او بقلمك للأمانة الأدبية
وهذا تنبيه ثاني -- ارجو منك النظر في هذه الملاحظة
ولك مني ارق التحايا

انشالله اختي

وشكرا على مرورك

نووورتي