محاورة راااااائعة بالدارمي بين الشاعر عبد الرحمن الجبوري والشاعر ميثاق الهلالي

عبد الرحمن الجبوري

ليش الهجر يهواي يالبيه منحوت؟
ثق يفرح النقال بس رقمك يفوت


ميثاق الهلالي

ثق يرجف النقال بس يسمع الصوت
صايرلي عزرائيل بس تحکم نموت


عبد الرحمن الجبوري

لو هيست رجليك تعبت فرد يوم
ثق السبب عالبال رايح تظل دوم





ميثاق الهلالي

سهله عله بالك كون نتعده وتحن
صرت العگل والله بس تبعد انجن


عبد الرحمن الجبوري

وي روحي گلت انساك يمته الخبر جاك؟
ما أدري حتى الروح جاسوسه وياك


ميثاق الهلالي

زين انت بس الروح جاسوسه اليه
انه الحواس وياك شدن عليه


عبد الرحمنالجبوري

يمته البعد ننسا وننسه المواعيد
يمته انت يمته تعود ويعيد العيد




ميثاق الهلالي

تدري انه گبل العيد عاشورك وياي
حاسمهه لو مو عيد ماتضحك اشفاي

عبد الرحمن الجبوري

تدري انه صار سنين مچتف شفاي
خافن افكهه تصيح الحگني بهواي


ميثاق الهلالي

روحك جمر وشفاك تطفيه جمرهه
التفگه من تغتاض يصرخ زمرهه


عبد الرحمن الجبوري

چان الورد عالناس بالفرحه منثور
شاف الوطن مذبوح ظل يرجع بذور




ميثاق الهلالي

چانت الورده تبوس حتى المنايه
هسه الورد لو طاح ينزل شظايه


عبد الرحمن الجبوري

غشمه احنه ومتانين خنشوف الافراح
ماندري نبچي عيون مو بس دمع طاح

ميثاق الهلالي

مو مهم نبچي عيون للحزن تذكار
بس المصيبه تموت من تبجي الاعمار


عبد الرحمن الجبوري

صح العمر ياصاح وكت البچي يموت
بس گلي تلگه منين من طوله تابوت؟




ميثاق الهلالي

مو مشكله التابوت گلبك يحظنه
بس المصيبه گبور مامش برضنه


عبد الرحمن الجبوري

الماتدفنه الگاع تدفنه السنين
ياما انست شبان وي غمضة العين

ميثاق الهلالي

متگلي اچم دوب تدفنه السنين
واحنه بعددهه نطيح يوميه ميتين

اول مشاركه يااارب تعجبكم

تح ــياتي

مشكوره ع هذي المشاركه :2:

منورة يالمحتارة

مشاركة رائعة واختيار مميز

شكرا لك عزيزتي -- وبالتوفيق

تحياتي

شكرا محتاره لهذه الباقه
الجميله من الدراميات
وتحياتي لك وننتظر جديدك
تحياتي

بدايه رائعه وعاشت ايدكي على
هذا الختيار الموفق
تقبلي تحياتي

اح ــبابي

شكراا على مروركم العطــر

نورتووووووا صفحتي

ودىىى

نورتوووووووووا

شكرا عالمرور