أجمل قصيده الحنين الى الوطن والى كل شىء في الوطن

مشتاكين شوك الندى أيقبل اخدود الورد
مشتاكين شوك الطيور الهاجرت لازم
يهزه الشوك والعشه تــــــــــــرد
هاجت الروح بحزنه اوحنت الكم
شبيج ياروحي الغريبه وشبعــــــد
كلمتني بصوت مكسور الخواطر
كافي موطال البعـــــــد
اوعاتبتني ليش مبعدولياوكت كلبك صــلــــد
وذكرتكم ياهلي بذيج غربتي اذكرت امي أبوي او لمه
اصحابي اخوي النايم بدفىء المهــــــــد
كالت أنا حنيت الهلي والدار عـــزي
اخ .. يادارج هلي بيج المجـــــــــد
وبعد مشتاكين يابغداد للعيون المهى للرصافه
للضفايروالله مشتاقين انقبل النهــــــد
مشتاقين ياجبل ار ربيل ويا بصره السياب
مشتاقين يا ميسان للمشحوف للبردي للمواويلك حمـــــد
وعسى ريلك يمر بينه وعلى جفوفه نـــــــــرد
ورد اسئلنك حمــــــــد
هم بعده تنتضر على ضفة النهر جيت السعـــــد
لو ملت (سعدى) أنتضاري اوحسبت خنت الوعــــــد
هيج الله أيردني ألكم ويل طعمكم أشهى من طعم الشهــــــد
اوحتى لو بس طيفكم مره يمر بينه وعلى جفون الغريب بهيده
يتنهـــــــــــــــــــــد
لطش روحي نذر ملبس ألكم لو أرد
أويمــــــه أبو جوادين با الكاظم أنا أوفي العهــــــــد
أويم أبو جوادين با الكاظم انا أوفي العهـــــــــد

تحية حب وتقير الى اجمل وطن والى كل من سكن العراق أو أسكنه في قلبه
تقبلو تحيات الشاعر علاء حسين الشمري

يمعود اشعدنا غير العراق
عاشت ايدك اخوي على القصيده ارائعه
وتقبل مروري وتحياتي

ياعراقي -- ياعلاء ياشهم

اشعلت قلوبـنا نارا ً -- والعيون دموعا ً

اسجل حضوري المتواضع في حضرة هذه الكلمات التي تؤلم كل مغترب

احسنت فقد أجدت نقش الوجع في القلوب

دام لنا احساسك عزيزي -- وتحياتي لك