تكلــــــي سولف !

تكلي سولف !
وشارد اسولف
واني حاير منين ابديهه السوالف
وشأرد اسولف ؟
اسولف عن دمعتي اباب عيني تلوح ؟
واسولف عن صفنتي الما تفاركني ؟
اسولف عن زماني العافني بلا راي ؟
واسولف عالليالي شلون تحركني ؟
اسولف عالعطش منين ابدي وياك ؟
وبحار الكون دونك مايروني
شأسولفلك بعد والروح تمشي وياك
وعله بعادك جروحي شكثر يلوني
ما سولف بعد
والحال تعرف بيه
وشكلك عالسنين شبعد راوني ؟
اسولف ما اسولف هو نفسه الحال
لان تدريه حالي عليه عاوني
وبعد ماراح اسولف خل عيونك
انت تكول
ويدورن علي وبلكي يلكني ؟؟

تحيات ماجد الشاعر
20/1/2009

يــامن تحمل بين اضلاعك رقــة البحـــر

وعذوبة الكلمات

شهم ٌ انت بحروفك -- يتوقف قلمي أمام ابياتك دائما

وعبثا ً اجـد مايوفي حق ماسطرت

مــــاجـــــــــد ----- بعض العشق نار تحرق

تقبل تحياتي

حياك ماجد قصيده رائعه يابعد الجبد والروح والراي
وضل عگبك سليب العگل والراي
ترف لو خيروك الناس والراي
انه اختارك على روحي البديه
طبعا ابوذيه منقوله لا اعرف لمن

تسلم حبيبي الزير الروماني العزيز
وسلامة روحك واشكرك على بيت الابوذيه الرائع
ولك تحياتي

ام فيصل الغاليه كلمة الشكر لاتفي حق ماتكتبين على متصفحي
فردودك هي قصايد وحدائق غناء تحياتي