حسين ثوره بعالم اسمه المستحيل

حسين ثوره بعالم اسمه المستحيل
وماكو عــــــــــــــد حسين ظلت مستحيله
حسين كصه ومن عرك عباس اجاه
وكطعــــــــــــــة الجفين صارتله الوسيله
ولهذا ابو الفضــــــــــل عباس صار
وغيرة العباس سمـــوهـــــــــــــه العقيله
.....
حسين نـــــور وعالم اسمه بلاحدود
عالم اخـــــــــــــــــــــر دوخ العالم قياسه
حسين دين ودين كام بسيف ابوه
ومن محمد جــــــــــــده حط للدين اساسه
حسين جنه ؟.. جنه شايلها ضريح
تبوسه ناس ومره هــــــــوه يبوس ناسه
وعدنه ناس استغفر الله شلون ناس
ماتعرف حسين خلتهــــــــــــــــه السياسه
وعدنه ناس تموت من اجل الحسين
وماتبدل حسينهه بكرســــــــــــي الرئاسه
ومن هذاك اليوم واحنــــــه متيمين
عدنه حب حسين فطـــــــــــــره بلادراسه
كمنه نمشيله حفــــــــاة ومستحين
من التراب نكـــــــــول خاف حسين داسه
اليزوره كام يمشيلـــــه اعله اديه
ومن يطب لحسين يوكفلــــــه اعله راسه
.....
حسين دنيه واخره ايظــــل الحسين
واعله حب حسين تحسدنـــــــــه الشعوب
ومن كثر حبنه اعتقد صابتنه عين
وخلت العشاك بحلـــــــــــــــــوك الحروب
ووالله لوما حسين عدنــــه بكربلاء
ومن دمه الشبان مرسومـــــــــــه الدروب
جاعراقك هسه ثلثينه عـــــــــــــراة
وجاشمالك كام ياكــــــــــــــــــــل بالجنوب
ومن دروس الطف اخذ اعظم دروس
وتوب من تقراهه يالرايـــــــــــــــــد تتوب
تبجي طول الليل والناتج عـــــــــذاب
ودمعة لاجل حسين تغفرلك ذنـــــــــــــوب

وعدنه ناس تموت من اجل الحسين
وماتبدل حسينهه بكرســــــــــــي الرئاسه
ومن هذاك اليوم واحنــــــه متيمين
عدنه حب حسين فطـــــــــــــره بلادراسه
الله عليك صدك عدنه حب حسين فطره بلا دراسه
اشكرك عزيزي واجرك على ابي عبدالله ع

كل القصيدة اكثر من رائعة

صح لسانك وعطر الله انفاسك

عزيزي ابو عبد الله ابو الأحرار ورايه مرفوعة على مر السنين

جزاك الله خير على هذا الإختيار الموفق

اقتباس:

---

المشاركة الأصلية كتبت بواسطة الحب المجنون

وعدنه ناس تموت من اجل الحسين
وماتبدل حسينهه بكرســــــــــــي الرئاسه
ومن هذاك اليوم واحنــــــه متيمين
عدنه حب حسين فطـــــــــــــره بلادراسه
الله عليك صدك عدنه حب حسين فطره بلا دراسه
اشكرك عزيزي واجرك على ابي عبدالله ع

---

شكرا لك ولجمال تواجدك هنا

اقتباس:

---

المشاركة الأصلية كتبت بواسطة ام فيصل

كل القصيدة اكثر من رائعة

صح لسانك وعطر الله انفاسك

عزيزي ابو عبد الله ابو الأحرار ورايه مرفوعة على مر السنين

جزاك الله خير على هذا الإختيار الموفق

---

مرورك اروع شكرا لك

عطر الله انفاسك وعاشت ايدك
لك كل الود والاحترام
تقبل مروري