بحضن غيرچ بعد ما نام ))
توبة بعد ما أسويها
وبحضن غيرچ بعد ما نام
أعذري الروح وسامحيها
چانت غرگانا بنص الأوهام
أحرگـ گـلبي وعيوني أعميها
لو شفت بعيونچ خـصام
غالية دموعچ لا تهليها
الخاطر المسيح والإسلام
حياتي أنتِ وكل أمانيها
بلياچ ما تسوى الأيام
صدگيني عشرتچ ما ناسيها
بس هل وكت أبن حرام
گوة أنجبرت أحضانچ أجافيها
فراگچ عليه أحسه أعدام
بلياچ الروح زادت مآسيها
ومشاعري صفن أيتام
عاندت الدنيــا والبيها
لشوفتچ تحملت الملام
ألتحبني تستاهل الروح أنطيها
وأتعنالها لو مليون رض بالعظام
حبيبتي راجع الروحچ أخاويها
وأگضي عمري وياچ للختام
راجع أيامنا المـُرة أحليها
وأعيش وياچ كـُل الأحلام
أحزانچ كـُلها راح امحيها
وأطيّب جروحچ و الألآم
وشما بيچ علة أداويها
شگــد ما العمر دام
شوفتچ آنه سنين أتانيها
لأن بحضنچ أحس السلام
حبيبتي أنتِ شلون أخليها
أنتِ الحُب والعشگ والغرام
