درب صبرك طويل
وشخصك اتعداه
واه اجيب اه
وما خلص صبرك
مشيت لوحدك والناس
كلهه بعاد
وبعد المن ؟ لربك سلمت
امرك
يل صبرك جبل
وملاوي جف الريح
وحملت الالم والاه من
زغرك
لكن ماطحت مره
و حنيت الراس
وبقه اسمك علامه
وكلهه التعرفك
يل كلبك ولايه
وحاوي كل الناس
ويهنياله ال يحمل `ذره من كلبك
اجت ليك السنين وتتعذر
ترجوك
وانت والوكت مامره سمع
عذرك
ياسيل الصبر والوكت مالاواك
وظل صوتك قصيده
بشوكنه انسمعك
لا تهتم ابد وادريك
تمطر شوك
الليالي تريد تتوسل
صبر منك !
بجف وحده الوكت لاويته وتعديت
وترس اذنه صحتله
ياوكت فنك !
من عمري اعله عمرك
ياجبير الشان
من كلبي وحياتك صدك احلفلك
تفوت اعله الجرح
وحدك لاتدير الشوف
واعبر عالسنين الغافيه بسدك
وتظل انت الجبل
والريح متمض بيك
وعمت عين الليالي
التكدر اتهزك
تحيات ماجد الشاعر/30/12/2008
