(عراق الحسين)عظم الله اجورنا بمصاب الحسين
موسى امن انضنك مد ايد لله
وطلب منه اليعينه ودور العون
بس يحسين عندك جان عباس
وعباس ابن ابوك بالف هارون
شتوفي الناس طبعن ماتوفيك
لوتنزع لحم واطيح المتون
بجالك من طحت يحسن جبريل
وملائكة السمه كاموا يلطمون
اذن احنه البشر كلحنه عقال
واليطعن محبتك هوه مجنون
ماميت عطش؟عطشانك الماي
اجه الشفتك امس بس كتله ممنون
وانصارك ابد مارادوا الماي
وللموت بشرف كلهم يعطشون
ولهسه الماي يبجي اعليك يحسين
ورخص روحه اعله مودك لليسبلون
صح الخيل داست صدرك اهناك
ولكن بالمقابل شفنه ميمون
يادستور كل مظلوم بالكون
قليل ابحبك اليسمه مجنون
وماينقاس حبنه ابكل الاعداد
كل ذرة محبه ابميت الف جون
شوكت نغفه وننام ولحظه ننساك
اذا رسمك جفن شايلته العيون
وتصوم الفقره خوف وتعطش احلام
وعلى حبك شبع كلهم يفطرون
واذا ذابوا ابحبك من الاكماط
لازم من متت كلهم يموتون
من لحظة وداعك عشنه ايتام
ومصايب بس علينه اينزل الكون
ومثل حالك وطنه وقله الانصار
واشوفه بكل كتر يحسين مطعون
وشبع ضيم وقهر والوحده ايصيح
الا من ناصرا بس مايسمعون
كبل بالسيف نسمع هدوا عاليك
وعليه اتحاشدوا نيران يرمون
امتدادا للشمر امريكا تنقاس
ويوميه اشكثر مثلك يذبحون
امس ذبحوك ذوله وهسه ذبحوك
ومشوا بجنازتك كلهم يصفكون
السلبوا جثتك والحزوا الراس
ابشرك بالوطن كاموا يقسمون
حماة الوطن همه الهدوا اعليه
وانصار الوطن ظلوا يهربون
بس واحد وكف منهم عالحدود
شايل بيد سيف وبيد ماعون
كلنه الوكف راح ايفرح الناس
وبمرود اماني ايكحل العيون
وتمنينه بكثر حزن المثكلات
بصبر شبانه الماتوا ينزفون
لكن من حجه ضيعنه وياه
وتيهنه ابوطنه النرتجي عون
كال انطوني حصتي وبيعوا بغداد
شصيرن ان موسى وربعي فرعون
رد: (عراق الحسين)عظم الله اجورنا بمصاب الحسين
صح لسانك وعطر الله انفاسك
قصيدة أكثر من رائعة جسدت تضحية ابو الأحرار
وحب الموالين له
السلام عليك ياابا الأئمة الأطهار
السلام عليك ياقتيل العبرة
السلام عليك ياسبط الهادي وابن الرضي والبتول
تحياتي لك يالخزاعي ولكل كلمة نثرتها هنــا بحق ابي الأحرار
رد: (عراق الحسين)عظم الله اجورنا بمصاب الحسين
السلام عليك يا ابا عبدالله ورحمة الله وبركاته
السلام عليك يا ابو الفضل العباس
ورحمة الله وبركاته
قصيده رائعه بحق الامام الحسبن /ع
عطر الله انفاسك اخي الخزاعي وجعلها في ميزان اعمالك
تقبل مروري وتحياتي لك
رد: (عراق الحسين)عظم الله اجورنا بمصاب الحسين
اقتباس:
المشاركة الأصلية كتبت بواسطة ام فيصل
صح لسانك وعطر الله انفاسك
قصيدة أكثر من رائعة جسدت تضحية ابو الأحرار
وحب الموالين له
السلام عليك ياابا الأئمة الأطهار
السلام عليك ياقتيل العبرة
السلام عليك ياسبط الهادي وابن الرضي والبتول
تحياتي لك يالخزاعي ولكل كلمة نثرتها هنــا بحق ابي الأحرار
الف الف شكر خويه ممنون منج
رد: (عراق الحسين)عظم الله اجورنا بمصاب الحسين
الله الله
اثابك الله عليها
ورزقك شفاعت بيت محمد وال محمد(ع)
رد: (عراق الحسين)عظم الله اجورنا بمصاب الحسين
اقتباس:
المشاركة الأصلية كتبت بواسطة ام فيصل
صح لسانك وعطر الله انفاسك
قصيدة أكثر من رائعة جسدت تضحية ابو الأحرار
وحب الموالين له
السلام عليك ياابا الأئمة الأطهار
السلام عليك ياقتيل العبرة
السلام عليك ياسبط الهادي وابن الرضي والبتول
تحياتي لك يالخزاعي ولكل كلمة نثرتها هنــا بحق ابي الأحرار
الف الف شكر واسلكم الدعاء
رد: (عراق الحسين)عظم الله اجورنا بمصاب الحسين
شكرا للكلمات الرائعه والمعاني الجميله في حب اهل البيت عليهم السلام
رد: (عراق الحسين)عظم الله اجورنا بمصاب الحسين
أبن مدينتي المتألق ....
علي الملا......
عرفتك شاعرا ورائعا دوماً
سلمت ودمت متألقاً أخي.....تحياتي
