جديد الشاعر رائد النعيمي .. سوق الحب والخيانه

تاجر بالمشاعر قشمر عله الناس
بس خليهه باذنك عيب اتقشمر

واني بسوك واعرف زين من الشين
والماخذ درس بالسوك ما يخسر

اني الجنت اامن حتى بالمغشوش
وانطي فرصه بلكي بلحظة يتغير

واليجرحني بحجاية اكول انسيت
باجر يندم عله الباب يتعذر

بس مو اني ذاك وذاك راح ومات
وهسه كبال عينك واحد يحب شر

علمني الوكت ما عبر احجايات
وحلل كل حروف الكلمة لا سمعهه

وادور عل نغل منهو ابوه يكون
وادرسهه دراسه وين مرجعهه

القصه القديمه الفززتني بالليل
منبعهه القساوه وهاي مطلعهه

الدنيا خطوبه وحلقه بايدك هاي
وواعدك اني اجيت ابتر اصبعهه

مبدا بالحياة العندي اني انطيك
والعندك اريده مثلث امربع

ومامل وانكسر وانتظر انت اتفوز
هاي اني وراك وابد ما ابزع

سلمتك ارض مزروعه تعب اسنين
واريد اكل ثمر وتكلي ما يطلع

تسكيهه جمر والجذر تحرك بيه
وتجمع شوك غيضك بالارض تزرع

وتسمعني سوالف واذني تحجي اشگال
واكولا ماحجة واجرع وابلع

طك بركان صبري وجاي احاسب بيك
اشو نجمك طفه واليوم ما يلمع

من صار الحجي وياك عين بعين
وشفت كبال عينك وجهة مدفع

طلعت انت هوه واني جبل وياك
خليك ابمكانك اني راح ارجع

قصيدة جميلة للشاعر النعيمي

ومشكورة عزيزتي روعة على هذا الإختيار

تحياتي لك

قصيدة جميلة للشاعر النعيمي

ومشكورة عزيزتي روعة على هذا الإختيار

تحياتي لك

ومامل وانكسر وانتظر انت اتفوز
هاي اني وراك وابد ما ابزع

سلمتك ارض مزروعه تعب اسنين
واريد اكل ثمر وتكلي ما يطلع

تسكيهه جمر والجذر تحرك بيه
وتجمع شوك غيضك بالارض تزرع
----
شكرا لكي وللشاعر النعيمي تقبل مروري وكل عام وانت بالف خير بمناسبة عيد الغدير الاغر

شعر كثير حلو وشكرا للذوق الجميل واختيارك لهذا القصيده
شكرا