زنجر باب صبرك يا عراق

زنجر باب صبرك يا عراق
انزع مستحاتك كافي لابستك
فصل الصبر من طولك مرايات
ومن باب الفرج مفتاح رهمتك
من كانت الدنيا بلا حيه ولا ثوب
على الدنيا ستر يعراك فصلتك
اشو لمن طحت محد اجالك عون
ووصلت للاله ادموع نايحتك
بيك النار وجت والعروبه تشوف
ذوله الكل عمرهم لاذو ابختك
رادولك كبر تندفن جثتك بيه
بعدك ما متت واحتارو بجثتك
فريت الدول بس ما كلت زعلان
لاهو الهجرني ولاكلت عفتك
يالكلك جرح واعداك كلها اقزام
اطولهم يلوذ بجرح خاصرتك
يارفعت قوافي بواهس النواب
يا سر الجنان ودنيا ظاهرتك
ياثوب وشرف ستر العراقيات
يا ملكه مضيف اباب كاصدتك
كلهم حاولو رادو تطخ الراس
وضلت مستحاتك امجلبه بكصتك
خيرك على العرب ابكد اليتامى البيك
وشدو على البطون احجار عايلتك
وسئلوني عليك وكلت بعده ابخير
وبكد النفط جياع خارطتك
مو طايح اشوفك كالجبل مرفوع
وملائكة السماء اجفوف شايلتك
جبنه العمر كله بكل جهه يجيك عزريل
ومن صدرك شفتهم طاحو بسنتك
يا عيط النخل بجفوف ملك الموت
وشفاف المكابر كلها راضعتك
ما اريدك وطن مفتوح من كل باب
ولا اريدك وطن واعراب حابستك
اريدنك جهنم على الكفرو بيك
ويدخلك بفيزه اليوصل جنتك
ويدخلك بفيزه اليوصل جنتك

للشاعر
عماد الناصري

يالكلك جرح واعداك كلها اقزام
اطولهم يلوذ بجرح خاصرتك
يارفعت قوافي بواهس النواب
يا سر الجنان ودنيا ظاهرتك
ياثوب وشرف ستر العراقيات
يا ملكه مضيف اباب كاصدتك

الله الله الله ياهاشم يارائع

عاشت ايدك على هذا الإختيار المميز
تحياتي لك يالنشمي قصيدة رائعة للناصري صح لسانه
والعراق مادام فيه نشامه مثلكم يظل مرفوع الراس
وبعون الله محفوظ

شكرا لمروركي اختي الفاضله ام فيصل
لكي كل الود والاحترام
وكل عام وانتي بالف خير ويعوده عليكم باليمن والبركه والسلامه

:66 (46)::66 (46)::66 (46)::66 (46)::66 (46)::66 (46):

الله الله الله ياهاشم يارائع

عاشت ايدك على هذا الإختيار المميز
تتقبل تحياتي ومروري

شكرا لمرورك وردك الرائع اخي العزيز
مغترب اوسلو
وكل عام وانت بالف خير بمناسبة عيد الغدير الاغر
عيد اسد الله الغالب الامام علي بن ابي طالب /ع

:66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46):

هاشم ما تحتاج وصف مني لان من اسمك مبين(هاشم نجم)وشكرااااااااااااااااا على الامانه الرائع بالنقل

قاسم الجبوري شكرا لمرورك وتعليقك الرائع
لك تحياتي وودي وكل عام وانت بالف خير بمناسبة عيد الغدير الاغر

:66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46):