يلي تسئل عنه وتريد الدليل
روح اقره اوراقنا وشوف الاصل
يالرايد تعرف اشبينا خصال
وتعرف اشبينه بعد من الحجي
احنه بينا اللانت اسنين الجبال
وعلى اجتاف الخيل رادت ترتجي
الحرام بيا وكت سموه حلال
وبيا وكت ضحكتنا سموها بجي
لا تصدك باللي أبدالك شليل
ومن رماد اترابه سوالك كحل
اهي دنيا وما تحب طبع البخيل
ولا تطخ راس لجفوف النذل
انا اشوف الرجل باخلاقه جبير
وغير هذا الراي ما اكدر اشوف
الحرير يبات ويصبح حرير
والخناجر تختفي بلمض السيوف
اشجاب سوك الحنطه يم سوك الشعير
وكسر امواج البحر يم الجروف
الكرم بينا يصل مثل الصليل
واحنه بالطيبه اهل الها ومثل
الف موته يموت يوميه الذليل
وما يضل عايش صدك بس الفحل
مدري ليش الناس تسجد للفلس
والضمير العدها ما يسوه ثمن
من تعيش اليوم تنسه اول امس
وتنسه باجر وما يصح حتى الجن
عاشت ويانا مثل ام الحللس
تسبك العيد وتكصر بالردن
بلجن بقاموسنه يضيع الاصيل
وما ترضه اهدومنا وتغطي العجل
الصحيح الزين 000ويبين جميل
وخوتنا مو خوه اذا ماكو وصل
ولو يفيد المال ويعوض السنين
جا بنوها بالسوك ذيج المكبره
وجا تبدل غيض كل ذاك الحنين
وما تقدم كلمن اصبح ليوره
كلنا مخلوقين من ماي وطين
وياهو بينا انولد لابس
لا كصير البارحه اصبح طويل
ولا طويل اليوم اصبح بيه زلل
اهي دنيات وما تدور كل بديل
ولا أظن يصير بيها البدل
وما لبسنا اسمال فوك من الضلوع
ولا نزعنا اهدومنا الجانت فضه
ولا ندبنا احظوظنا بصب الدموع
ولا جليل الخام بيه واحد رضه
احنا شمس الله الزرعناها شموع
وشوف كاعك من دمنا مرضرضه
احنه مو منا اليخاف المستحيل
ويرسم بقمصانا انواع الخلل
الضحك النا ولعد غيرنا العويل
وذاك من ذاك العرف معنى الزعل
لا تخليني اسد باب الرجاء
واقفل بكيلون باب المرحمه
والتقدم بالصغر يرجع وراء
وينجفي بلحظات ويصيبه الامل
ما نفرق بينكم كلكم سواء
الحافي والسلطان وابن الموزمه
لا تكلي الصار شفنا اله مثيل
وكلشي باوصافه يقاضينا اكتمل
المات ميتنا ونعرف اشبيه من زلل
ان كام وكع وان مشه يمشي حلل
للشاعر المبدع
جبار فرحان
