شفتك حلم شاعر واني حلمان(غزل صريح)
:66 (46):رسمتك حلم شاعر وي الاشجان
واهيم بعالمك يا اعذب انسان
اشد خلك المشاعر على المواويل
واغنيلك حبيبي باجمل الحان
وادخل عالمك من كل عيون
وابوك اشواك حلمك وانه ولهان
شفت طولك يغالي ابين العيون
مثل كحل الرمش غافي على الاجفان
واطالع صور حسنك وي الافكار
واكلب صوره صوره ابخلك سهران
اشوفن صور حسنك ترست الكون
عجيبه شلون ضمن كل الالوان
مثل نرجس خيالك شايل الشوك
ورده بصفها ورده وصار بستان
طك تفاح خدك رازقي وياس
حمل من وجنتك عسل رمان
شفت خشمك عجيبه شلون مرسوم
نحت كل الجمال ابخشبه الزان
وشوف شفاف حلكك بيها نيران
من لزكن بشفتي تكول بركان
وياعين التشوف عيونك اطيح
منو يكدر يواكح عين غزلان
ما احجي على صدرك دايخ وياك
اخاف احجي وتصيح الناس كفران
بس اضرب مثل عن صدرك او شوف
اوموشغله روايه ولاحجي السان
حلو شكل الجبال محاضنه الكاع
بس شكد جميله وبيها وديان
خصرك شي عجيب متعب الناس
ماشايل خصر شايلك انسان
ربك كملك من كل الاوصاف
رادك للجمال تصير عنوان
الشافك من صدك انطيته عمرين
والشافك جذب كل عمره خسران
والمثلي بغرامك شافك شلون؟
شفتك حلم شاعر واني حلمان
رد: شفتك حلم شاعر واني حلمان(غزل صريح)
قصيده رائــــعة
تــــــــــسلم الايادي اخي
تحــــــــياتي
رد: شفتك حلم شاعر واني حلمان(غزل صريح)
رد: شفتك حلم شاعر واني حلمان(غزل صريح)
شكرا احزان ع المرور منورة
تحياتي
رد: شفتك حلم شاعر واني حلمان(غزل صريح)
شكرا عمري اسد العراقي ع المرور منور
تحياتي
