--------------------------------------------------------------------------------
طريقة المحشى
كيلو أرز عادى مش بسمتى
خلطة محشى
كزبرة ,,,كرفس ,,شبت ,,,بقدونس ,,,نعناع
من كل مما سبق حزمتين أو ثلاثة يعنى حزمتين نعناع وحزمتين كرفس وهكذا
طماطم (كمية مناسبة تضرب فى الكبة سريعا ) ....
ملعقتين صلصة طماطم
ملعقة دبس الرمان..عصير ليمونة
مكعب مرقة....سمنة
بصل ( حوالى 3..4 بصلات كبار مضروبين ضربة سريعة بالكبة)
قطعة ثوم مفروم (أو رشة ثوم بودر مناسبة )
حبهان,,,,مستكة
3 وحدات قرنفل
ملح..فلفل أسود
شطة..بهار لحم
ريحان..زعتر خفيف
قرفة
السقيّ
شوربة فراخ مضروبة فى الخلاط مع نعناع ناشف وصلصة طماطم ...
خلطة ماقبل الغلق
ثوم مدقوق مخلوط بعصير ليمونة ويصب على الوجة ويغطى
ونغلق النار ولا يفتح عليه حتى الغرف..
الطريقة
بصى ياستى هى الطريقة سهلة بس المكونات كتير ولكن الطعم يستاهل بأذن الله
أنتى تحطى على النار السمن والمكعب والمستكة والحبهان والقرنفل
وتقلبتين وتضيفى لهم البصل
وحينما يدبل البصل والمستكة تسيح وقبل إضافة الطماطم تنزعى القرنفل والحبهان
وتضعى الطماطم وتقلبى
وبعدما ينشف ماؤها تغلقى النار وتضيفى الخضروات الورقية وتقليبهم جيدا
وبعدما تبرد الخلطة تمااااااااااااما
نضيف الأرز المغسول والبهارات وصلصة الطماطم مذابة فى القليل من الماء
ولازم تدوقى الخلطة عشان تضبطى المطعم (لو ناقصة ملح أو بهارات)..
وبعدين تحشى ورق العنب على الوجه الخشن وترصيه فى الحلة
وتصبى عليه الشوربة حتى تغطى الصف قبل الأخييييييير فقط
ويترك على النار حتى يتشرب ثم توطى النار وتتركيه ليكمل السواء
وقبل ما تغلقى النار مباشرة تضيفى خلطة ما قبل السقيّ..
ملاحيظ هاااامة
------------
*الحشوة بالطريقة دى ألذ من الطريقة المعتادة
ألا وهى وضع جميع مكونات الحشو بدون تعرضها للحرارة...
* الحبهان والقرنفل ممكن تطحنيهم وتضفيهم مع الأرز والبهارات فى الأخر .
* المحشى يحب بصل كتير وبهار لحم يكون باين بس بدون إفراط طبعا
والمزازة الناتجة عن الدبس وعصير الليمون.
* الطماطم المضروبة لما راح تنشف على النار فى الحشو
حتضيفى للحشوة مع الأرز الصلصة مذابة فى قليل من الماء
لكيّ تعوض نقص السوائل فى الحشوة.
*ممكن تستبدلى الطماطم المضروبة بعصير طماطم.
* فى ناس مش بتحب تسوى الورق العنب بشوربة
وإن كنت أرها وغيرى أيضا لذيذة لما تستوى بشوربة الفراخ.
* (معلومة من طباخ )
بالنسبة للثوم فى الأخر فى ناس بتحط بين كل دور والتانى فص ثوم سليم
وناس بتعمل زى ما خبرتك سابقا
ثوم مفروم ومخلوط بعصير الليمون قبل الغلق مباشرة
وهذه أشهى ولك حرية الأختيار....
****
محشى ورق العنب بذات لازم معاه قوارب الخيار بالزبادى
الطريقة
تشقى الخيارة نصفين بالطول وتزيلى منها القلب وتنزعى وجه الزبادى
وتخلطى بملح قليل ورشة خفيفة ثوم بودر وقطعة ثوم مفروم صغيرة
وتصب بداخل قوارب الخيار..
