يا بنات بس فهموني شنو السالفة ....؟؟؟؟؟ من رخصة الولد طبعا

السلام عليكم

مساء النرجس والقحقوان والربيع اللطيف

طبعاً كلمة قحقوان هو نبات صاير يم نهر شطيط يطلع بس الجمعة الساعة بكلاثة

فتجي ام ستوري تكطع باكتين قحقوان وتخبطة ويه الجلفراي وتقدمه للفطور الى ابو ستوري

طبعاً ابو ستوري معدتة جيس مال زبالة شيجي يمه ياكل بحيث فد يوم اتخيل القنفة لفة صوصج

ففتح حلكة وبلع خشابيتين واجه ابنه فاككه من القنفة وجابولة ديتول حتى يذب الماكلة

بس الله ستر طلعوا الخشبايتين وهسة حالتة مستقرة

ياكل بس قحقوان وجلفراي ومرات تمر بس هم يبلع النوه


المهم شلونكم ... شلون صحتكم ؟

اجه العيد وادتخيلكم شلون مستعديلة

طبعاً البنات قبل العيد الله يساعد الماما من وراهن ومن وره لبسهن الي يردنه

يضلن بس يختارن وبالاخير ميريدن هذة الشي

والأماية تضل حاطه ايدهه على حلكهه وصافنة وتتذكر ابوهه داود الله يرحمة

من جان يجي العيد ويوديهه للشورجة ياخذلهه نفنوف بازة ونعال وردي مرسوم علّي ميكي ماوس

يلا ميخالف ام داود الوكت تغير وعنج على بنتج يمكن اختارت فد شي حلو

طبعاً البنات اول بأ اخر 10 ايام من رمضان فطورهن يصير سريع

حتى جاي ميسوون للوالد ... يبدلن ويلا ماما الربيعي جايبين خوش ملابس

او ليش الربيعي الكرادة احسن لأن الربيعي ديعزل الساعة بالعشرة هسة

فيروحن للكرادة يبقن الحد ما يجون اهل الزبالة ويكنسون

طبعاً شلون وكت هذة الي البنات ملابسهن صارت صعبة قبل العيد

اتذكر غانمية بنت سعدون هاي قبل خمسين سنة الحجي

جانت قبل ميجي العيد تروح الشارع الرشيد بوكتهه جان شارع الرشيد اطك شاب هناك يلتقي بكهوة وبجيبة اربع دراهم ... درهم مال تاتا ودرهم مال جايات ودرهمين مصرف اخاف يرقم الوحدة حتى يعزمهه على شربت من حجي زبالة

فهي تجي الشارع الرشيد شايلة جزدان اسود بي خمصطعش جيب وماخذة فلوس وياهه تقريبا دينارين ... تشتري دشداشة كودري حمرة وعباية سودة بيهه بلك من جوه

وتروح الكراج الشواكة تشتري ربعين حلاوة دهينة

ربع الهه وربع للبيت وتفتر بالسوك وجان بوكتهه اكو امان والشاب الصاك الجان يفتر هناك جان يصجم

واقوى تصجيم اله هو ( عبايتج انطخت بيهه ممكن انهزم حتى لا اشوف وجهج )

اني لو منهه وواحد يكلي هيج غزل اركعه بيسراوية اعدلة طربوشة اللابسة

بس الصراحة بنات قبل احلى من هسة

جانن بدون مكياج والعين ها كبرهه ... هسة مكياج ودوخة واكو شي محيرني

طبعاً انتن حلوات بدون مكياج شكو تخلن

اكو وحدة يومية اشوفها من انزل اروح للشغل الصبح ويومية شكل جديد

طبعاً هلكد مخبلت نفسهه بالاخير كامت تشبة قحطان العطار

يوم شعرهه اسود يوم شعرهه بني قامق

ومرة اتجر عيونهه ومرة عيونهه صغار حرت بشكلهه

وبالاخير اركعهه بسطلة مي حتى اشوف شكلهه الحقيقي

بس اخاف اركعهه بسطلة مي وتطلع تشبه لميس

عوفوا لميس وشكلهه هاي دمرتني صارلي شهر هههه

المهم ا بنات على كيفجن ويه الوالدة تره الصوم امتعبهه وهي منا بيهه ضغط لتروح بالسوك اتكطع شعرجن ويجي ابو الشربت يفاكك ومتنحل القضية اله يدخل قائد عمليات بغداد

فهسة كل عام وانتوا بخير مقدماً

وعندي موضوع على الولد من يطلعون بالعيد شيسسون والتفياك اليشتغل

وطبعاً كل شاب ومنطقتة ووصف دقيق لملابسة

شكرا اخي العزيز عاشق عيونك الورد
على التحشيش المميزة
عاشت ايدك
ههههههههههههههههههه
http://up.foraten.net/uploads/64d7738e18.gif

يسلمووو اسد ع المرور منور



تحياتي

ههههههههههههههه
هههههه
هههه
روعه والله
الف شكر يا ورده

شكرا الاصيل الغالي منور


تحياتي

ههههههههه
هسه احنه البنات هيج انسوي ؟


مشكور أخي على التحشيش..
تحياتي

شكرا ابتهال ع المرور منورة



تحياتي