ببنات العراق حصريا شعر يخبل

بنت بغداد
بنت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية



بنت النجف
بنت النجف رزنة وطــــــــــــنون هيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعية



بنت العمارة
شسولفلك علــــــــــــــــى بنت العمارة
العاشرهن يبخته طالـــــــــــت عمارة
الوفى دربة عليـــــهن والله ومسارة
كبرياء الهور وصفات الطير بيهه



بنت كربلا
بنت كربلا رقة وحــــــــــــــــــــــــــلاوة
ابتسامتهه خفيفة ومشيــــــتهه بهداوة
لاتعرف جفة لا تــــــــــــــــعرف قساوة
وفى تربة الگاع معجونة بيهه



بنت ذي قار
بنت ذي قار لا تنــــــــــــــــشدني عليهه
احتار الفكر منهه وعليــــــــــــــــــــهه
كل صفـات الحســـــــن مجموعة بيهه
تلميذة مضايف والكرم بيهه



بنت الحلة
بنت الحـــــــــــــــــلة طيبة وطيب زايد
الوجنات الوردة والـــــــحواجب گلايد
نصبن الكل گلب بصري مصـــــــــايد
خد مربى وخد گيمر السدة



بنت الموصل
بنت الموصــــــــــــــل مزيونة وشگرة
بشوفتهه من كل مرض تـــــــــــــــبرة
قطعة من الفرح ضــــحكة ومـــــسرة
اربعتهن ربيع فصولهه هي




بنت السماوة
هايم انه ابنت السمــــــــــــــــــــــــــاوة
هي الغلا وهي الغــــــــــــــــــــــــلاوة
خفيفة دم ومعجونة بشقــــــــــــــــاوة
شاخصة مثل نخلاتهه هي



بنت تكريت
اسألت گالو الحـــــــــــــليوة من تكريت
بنات مدسترة ومنـــــــــــــــورات البيت
الوجنة ضوة والـــــــــــــــخدين جكليت
بنات العز والمرجلة هية



بنت الشمال
بنت الشمال مــــــــــــــــــــجرش جسمهه
مثل الجـــــــــــــــــــــــبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية




بنت ديالى
بنت ديالى الاصــــــــــــل هي والاصالة
برتقالة بالشــــــــــــــكل وبالعگل فالة
همك صـــــــــــــــــبرهن اتكفل وشالة
بيهه اروع صفة واروع سجية



بنت الانبار
بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگة
تجر الروح وتــــــــــــــملي الگلب حرگة
يعونة النزل عدهم وشرب مي منديهه
مع احترامي للجميع العراقيات

احسنت وصح لسانك يامغترب

قصيدة غزل جدا جميلة بالعراقيات الصبورات

عاشت ايدك عزيزي ( وبانتظار الغزل بشباب العراق ) يستاهلون النشامه ههههههه

تحياتي لك

هههههه عاشت ايدك اخويه العزيز مغترب

وصف روعه تقبل تحياتي

ننتظر منك المزيد

مشكور اخي (مغترب) وننتظر مزيدك وعاشت ايدك

شكرا لكم ولمروركم الرائع تقبلو تحياتي

عاشت ايدك يامغترب شنو هالوصف والغزل الحلو بالعراقيات الي يستاهلون احلى واجمل وصف اكتبنا قصيدة تغزل بيه بالخالات ههههههههههههههههههههههههههههههههههههه:66 (72)::66 (72)::66 (72)::66 (72)::66 (72)::66 (72)::66 (72)::66 (72)::66 (72)::66 (72)::66 (72)::66 (72):

تحياتي الج يخالتي العزيزة شكراا لمرورج الرائع منوررررررررررة

:66 (46):غزل راااائع للعراقيات والله يستاهلون أكثر..
والله خليتني أغار منهم و خليتني أتمنى للحظة اني أكون عراقية.........
تقبل مروري