ليش يا بشار؟؟؟؟؟ موجه الى الرئيس السوري

المضن ما ذكرنك ليش يابشار وعلية اتعلم الارهابي واتودي..
بشار الأسد صاير مثل بشار لمن ضيع امه وحاله متردي..
وانت امتك راح اتضيع يابشار لانك عالعراق اليوم متعدي..
لجل ذبح العراقي تطي دولارات وتفرح الجامعة العافتني الوحدي..
ولك انت امنين لك وامنين لك دولار لوما كبر زينب شعبك يجدي..
قصر الاموي مادامة بأرض الشام يعني انت يزيد الي ذبح جدي..
وأبوك معاوية وشعبك ال يزيد اذن رايد تكل الكربله ردي..
ولك اعرف قدر نفسك كبل لتكوم انت جاري وتعرف اشعندي..
من ثدي الوطن رضعتك البترول وتدريني اشكثر هزيتك بمهدي..
عيشتك عمر قاسمتك الماعون ولحم اجتاف شعبك كله من جدي..
لازم تستعد من تحجي وياي مثل ما يستعد للضابط الجندي..
ولازم تنحنيلي منين ما فوت لان اني عراقي بدولة المهدي..
اسكت ياوطن لا تبجي بصياح ودمعتك يا وطن خليهه محبوسة..
اسكت ياوطن واصبر على الصار بيتك مظلم ومبيوك فانوسة..
حكام العراب صاروا عليك ذياب ومن خيرك بطون العرب متروسة..
خلص نفطك هداية وتهدي للجار واذا واحد زعل تركضله واتبوسة..
وعلي لوما العراق الدول كلهه اتجوع
وشعبهم من ادينه تنترس طوسة..
وعلي لوما العراق الأردن يضيعون
واذا اذكر أصلهم تنكلب هوسة..
وعلي لوما العراق السوري جا بالضيم
وهسه اعله العراق مكشر ضروسة..
يتامه العرب ظلوا من بعد هدام
وهد حيله الوطن من طاح جاسوسة..
كلت الصرماية كلهه وظل علينه الدين
وانريد النفط كله انجيك افلوسة..
عذرا ياعرب بطلنه بيع اليوم
ومو ياهو اليجي ودك النه ناقوسة..
فجر ما تفجر كلنه ميتين..
وكلنه بيوم واحد ندخل المحشر..
وهناكه يبين الزين والشين..
وأسلمك بيد الله وموسى ابن جعفر..
وأسلمك بيد أبو فاضل والحسين..
ويخبزكم خبز يوم الحشر حيدر..


مع احترامي للأخوة السوريين

لا يابة مو هيجي ترى الناس تحملونة هواي لازم نشكرهم مو نشعر عليهم صح احنا بفلوسنة وماكو واحد الة فضل علينةبس الواحد لازم يشكر الي يضيفة

صح لسانك عزيزي مغترب
قصيدة اكثر من رائعة -- عاشت ايدك وايد العراق الفضله على كل العرب
الصبر زين خويه -- ومايدوم الظلم ( لأن الظلم ظلمات )
احسنت واحيي هذه الروح التي يحملهه كل عراقي شريف تشيله الغيره على شعبه ووطنه
والعراق بصاية الله واهل البيت محفوظ -- تحياتي لك يابطل

:66 (6):كل مرة يزيد إعجابي بيك أكثر أنت أكثر من رائع هذه قصيدة جميلة و كلماتها قمة التعبير
ماذا عساي أقول غير أن الصبر مفتاح الفرج ......تسام إيدك يا صاحب الإبداع:66 (6):

ام فيصل نور الموضوع بمشاركتج الجميلة اسعدني مرورج ونومة منورة تحياتي لك واللة يارقية داتخجليني بالرد الرائع الي تكتبي اني اشكرج جزيل الشكر وتحياتي لك